ياترى لما نحب حد قوى ممكن نجرحه؟؟؟؟؟؟؟؟؟
اكيد كل واحد فينا عنده حد بيحبه قوى
مقصدش الاب او الام -الاخ او الاخت
لكن اقصد الاصدقاء صديق او صديقه -حبيب او حبيبه
ياترى لما بنحب حد بجد ويبقى هو رمز الامان لينا فى حياتنا نحكيله اسرارنا ونشكيله همومنا واحزانا ونسيب دموعنا تنزل بين ايديه من غير مانخاف
لما تكون احلى ذكرياتنا واحلى لحظات حياتنا عايشينها معاه
لما بس تسمع اسمه بترتاح وتلاقى الفرحه هتنط من عنيك
لما كلمه واحده منه تنسف عاصفه من الغضب جواك
لما تبص فى عنيه وتلاقى حنان ينسيك اكبر احزانك
ياترى بعد كل ده
ممكن تجرح؟
ممكن تخون؟
ممكن تغدر؟
بيتهيألى صعب قوووووووى بعد كل الحب ده تجرح او تخون او تغدر
بس برضو اكيد كلنا ممكن نغلط
طيب لو غلطنا نعمل ايه ؟
نغمض عنينا ونعمل مش واخدين بالنا لحد ما نلاقى كل حاجه بتضيع من بين ايدينا؟؟؟
اكيد لا
اول حاجه مفروض تعترف بغلطك قدام نفسك وقدام الناس وتحاول ما تكررش الغلط دة تانى
واكيد لو حبك للشخص ده متبادل هيسامحك او على الاقل يحاول يسامحك
وهيقدر انك غلطت اه
لكن مش تقصد تجرح او تخون او تغدر
كلامى انتى عارفه انه ليكى وبجد مش لاقيه كلام تانى اقوله ياريت تكونى فهمتينى
هناك ٢٨ تعليقًا:
اكيد فهماكى يبنتى انا مش زعلانه واكيد انا مسمحاكى بس الواحد بيبقى محتاج شوية وقت علشان يصفى مش اكتر وانا مستنياكى بكره يجميله ربنا يخلينا لبعض ديماويخليكى ليا احلى واعز صديقه عندى
وعلىفكره الصوره اللى انتى حطاهه للبوست ده تحفه
بجد انتى بجد اجمل حاجه فى حياتى ربنا يخليكى ليا ونفضل طول العمر اصحاب بجد ومع بعض ديما فى كل حاجه
يااااااااااااااااااااااة
دة انا غبت كتير اوى
ازيك يا جميلة واحشانى ووحشتنى مدونتك
كلامك مش عارفة ليه دايما يجى على الجرح
المفروض فعلا اننا لو غلطنا نعترف بغلطنا ونحاول نصلح اللى حصل
اما كون اننا بنحب حد معناة اننا نسامح ونغفر وندى اكتر ما ناخد
هو دة الحب عندى
وبالنسبة لى خلاص مبقاش يهمنى اللى قدامى حاسس بدة ولا لأ كفاية اوى انى يكون عندى احساس
بوست جميل كالعادة برافو عليكى
jasmen
انتى كمان اجمل حاجه فى حياتى
ربنا يخليكى ليا يااااااااااارب
dramaqueen
ازيك ياقمر
انتى كمان وحشانى موووووووت
مش عارفه اعلق على ايه فى كلامك لان كله صح قوووووووووووى
وبالنسبة لى خلاص مبقاش يهمنى اللى قدامى حاسس بدة ولا لأ كفاية اوى انى يكون عندى احساس
صح جدااااااا
نورتينى بس متغيبيش كتير عليا D:
انا متفقة معاكى
فعلا الاعتراف بالغلط اول خطوة المفروض الانسان يعملها اولا بتخليه مرتاح من جواه وثانيا بتخلى اللى قدامه يحترمه
بوست جميل كالعادة
تحياتى
والله يابنتى انتى بتكتبى كلام فى اوقات جامدهD:
اكيد الانسان لما يغلط فى حق حد بيحبه لازم يعترف انه غلطان ولازم يتأسف للشخص اللى غلط فى حقه
بس الاهم من كدا انه يحس اصلا انه غلط لان فى ناس بتغلط وبتصر انهامش غلطانه وشايفه انها صح على طول
وانا شايفه ان اعتذارك كان واقى اوى
عقبال ما اعتذر انا كمان للناس اللى انا ضيقتها :):)
nice post
ايه الكلام الجامد ده يا جميل
والله فكرتينى باللذى مضى
من الشجاعة ان الواحد يعترف بغلتطه
ومن الطيبة ان الواحد يسامح اللى غلط
ويا بخت من وفق رسين فى الحلال
سلالالالالالالالالالالالام
انا عارفه انك تقصيدنى انا مش يارا
انتى عارفه ان قلبى طيب
وهسامحك
بس متعمليش كده تانى
اه
انا اعدى اول مره تانى مره
انما تالت مره موعدكيش
semsema
اكيد طبعا الواحد لو اعترف بغلطه هيرتاح كتيييير
نورتى البوست يا قمر ومرسيى ليكى
lonlysmily
الاهم من كدا انه يحس اصلا انه غلط لان فى ناس بتغلط وبتصر انهامش غلطانه وشايفه انها صح على طول
زى مافى ناس بتغلط وتعتذر هتلاقى ناس اكتر مقتنعه ان عمرها مابتغلط
نورتينى يا قمر
حدوته
والله فكرتينى باللذى مضى
ايه انت بتقول ايه مضى
يبقى انت اللى قتلت باباتى اه يا باباتى
D:
ويا بخت من وفق رسين فى الحلال
يسلام بجد
طيب كويس كويس
اهو كدا الواحد ممكن يحترف المهنه بعد التخرج
نورت البوست وسعيده بجد لمتابعتك الدايمه
l0zaaaa
يا الف اهر وسهلا يا تولتميت مرحبا
نورتينى يا شيخه
فينك من زمان يبنتى
وحشتينا والله
يخرب بيت الامتحانات اللى مخلياكو تعملو معسكر عند ميرو
يلا
معلش
بس متعمليش كده تانى
اه
انا اعدى اول مره تانى مره
انما تالت مره موعدكيش
لا لا ماتقوليش
وهو احنا بينا الكلام ده برضو
عيب عليكى
استنى ل 30 وابقى قولى موعدكيش
بس انا اللى المره اللى جايه
.
.
.
.
اوعدك S:
ههههههه
فاهمانى طبعا
لو حصل من الحبيب جرح أو غدر أو خيانة ..تنتفى عنه صفة الحبيب يا ضى القمر
انا وصلت متأخر عارف
وعارف انى مش متابع
ما تزعليش منى
بس بجد الموضوع حلو
والحمد لله ان المشكلة اتحلت
وانا بقول ليكى فترة حاطها الصورة دى على طول ليه
دلوقتى عرفت :D
ربنا يخليكو لبعض وعمركو ما تزعلو من بعض ابدا
حازم سويلم
اكيد
لو حصل من الحبيب جرح أو غدر أو خيانة
دة لو كان بقصد
لكن لو موقف غير مقصود اتسبب فى اى جرح اه هنتجرح
بس ممكن بعد منفكر فتره نعرف ان اكيد مكنش ده المقصود من اللى حصل
نورت البوست
dicart
ازيك يامحمد
لا لا متاخر ولا حاجه انت تنور فى اى وقت البلوج بلوجك
ومرسيى على الكام دعوة الحلوين دول:D
Di El2mr
سعدت بمرورى على مدونتك الرائعه
بجد انت انسانه حساسه وجميله
اتمنى لكى التوفيق ..
تحياتى ..
rovy
انا عملت كدة بالظبط بس لما حاولت اصلح غلطتى رجعت متاخر اوى..مينفعش
حتى تعرف انى عرفت غلطتى ...
شوفتى وكسة اكتر من كدة..
على فكرة ملهاش حل متحوليش تفكرى فيها ..
لا ينفع نندم ولا ننسى ولا اى حاجة خالص ..
قفلت زى الدومانو..
تحياتى...حســــــام حـــــامد
واااااو
ايه البوست التحفه ده
انا نسيت نفسي وانا باقراه
عارفه
احسن بوست الواحد بيكتبه ..لما بيكتب كده اللي هو حاسه
من غيرمايفكر لا في صياغه ولا ف يحزنون
احييكي على ذوقك
وعلى قلبك الطيب...انتي بجد باين من كلامك انت حد تحفه
ربنا يحميكي ويخلي لك كل اللي بتحبيهم
تحياتي
يارب يخليكم لبعض ومايكونش فى بينكم زعل خالص
اكيد اللى بيحب عمره مايقصد انه يجرح او حتى يغلط فى حبيبه لكن كلنا بشر ولازم بنغلط واللى بيحبنا كمان بيسامحنا لانه عارف ان احنا مانقصدش
يارب تكونوا مع بعض دايما
تقبلى تحياتى
01سلامو عليكو
ازيك يا ضى
احساسك كان عالى اوى فى البوست
اكيد اللى يحب وخاصة لو احساسه صادق وكان مخلص مش هيعمل كل اللى قلتى عليه دا
لكن احيانا بيكون فى خلاف فى وجهات نظر
او حجات تعدى مش ناخد بالنا منها
والتسامح دا اكبر دليل على ان الحب من القلب
ربنا يخليكو لبعض
وشكرا على مرورك عندى واسفة فى التاخير عليكى
لكن شوية مشاغل كدا
rovy
دة انا اللى فعلا سعيده بمرورك على المدونه
ومرسيى ليكى على كلامك الجميل
ويارب متكونش اخر مرة واشوفك هنا كتييييييير
حسام حامد
اكيد بتعدى علينا لحظات بنغلط فيها وبيكون تمن الغلط دة صعب علينا
يمكن لما فات الاوان انك تصلح غلطتك قولت انها قفلت زى الدومانو
بس صدقنى يمكن ربنا سبب الاسباب علشان حاجه فيها خير هتحصلك
وعامه يمكن تكون فترة وهتعدى وكل حاجه هتتصلح
متستعجلش الامور وسيب الوقت يصلح الغلط دة
تحياتى ليك ونورت البلوج
M7moud_so3ody
مرسيى يا محمود على كلامك الرقيق
وانا بتفق معاك فعلا ان احلى كلام ممكن الواحد يحسه لما يكون من غير تفكير فى حاجه غير معانيه لا قافيه ولا وزن ولا اى حاجه
ومرسيى مرة تانيه على كلامك
وبجد نورت البوست ويارب نشوفك كدا منورنا على طول
totaaa
مرسيى يا قمر على دعوتك الجميله دى
واكيد طبعا كلنا بشر وممكن نغلط بس برضو بنقدر نسامح
بجد نورتينى بزيارتك ويارب اشوفك كدا دايما منورانى
كائن نورانى
مرسيى ليكى يا قمر
واكيد طبعا اللى بيحب بيسامح
ربنا يديم الحب فى قلوبنا كلنا
ويستى مفيش اسف ولا حاجه على التاخير كفايه انك نورتينى يا قمر
إرسال تعليق