٢٩‏/١٢‏/٢٠٠٧


Happy New Year

كل سنه وانتم طيبين

ويارب تكون سنه حلوة عدت وسنه احلى جايه




اول يوم فى السنه الجديده هو اول يوم امتحاناتى

دعواتككم بقى يا جماعه بقى وربنا يوفقنا كلنا فى الامتحانات

٢٠‏/١٢‏/٢٠٠٧

أيــــــــــــن تضع اسرارك؟




اين تضع اسرارك؟؟؟؟؟؟
اكيد لو حد سالك السؤال دة هتفكر كويس قبل ماترد
المفروض يكون الرد انك تقول احد افراد عيلتك(امى -ابويا-اخويا-اختى-جوزى-مراتى)
بالرغم من كل الناس القريبين دول بيكون الواحد محتاج لحد تانى قريب منه
حد صاحبه يآمنه على اسرار حياته
يحكيله ويسمع منه
يرمى عليه همومه اللى تاعباه من غير مايخاف انه قال قال لحد
ويكون حد بيمثله الامان والخلاص من هموم كتير يخاف يزعل بيها اقرب الناس ليه
او حتى يخاف يواجه نفسه بيها من غير ماحد يشجعه
بس يا ترى ممكن الواحد يقابل حد يثق فيه قوى كده؟؟؟؟؟
ناس كتير هتقول لا
وناس اكتر هتقول مستحيل
وناش اكتر واكتر هيقولو هو مش مستحيل بس دة من رابع المستحيلات
وناس تانيه وهم قله هيقولو ممكن اه وليه لا
طيب لو فكرنا سوا هنلاقى ان حتى لو فى حد ممكن نثق فيه قوى كده بعد اقرب الناس لينا
ياترى الثقه دى هتفضل لحد امتى ؟؟؟؟
وياترى اسرارنا دى هتبقى فعلا فى آمان؟؟؟؟
وياترى التعامل بين الطرفين هيبقى واحد قبل وبعد معرفه الاسرار دى؟؟؟؟
مش ممكن احد الاطراف يحس بالقوة والغرور لمعرفه اسرار التانى؟؟؟؟
اكيد اسئله كتير هنقف ساكتين قدامها ومش هنلاقى رد
واكيد فى عواقب كتيييييير للموضوع ده
واغلبها هيتوقف على كيفيه اختيار الشخص المناسب اللى تعين معاه اسرارك
لان ممكن لو الشخص اللى اخترناه طلع غلط تتقلب اسرارنا لسلاح ضدنا
علشان كده احسن حد ممكن يحافظ على اسرارنا هما اهلنا (الاب اوالام-الاخ اوالاخت-الزوج اوالزوجه)لان محدش
هيخاف علينا ولا على حياتنا قدهم
وفى ناس هتقول مبعرفش احكى اسرارى ليهم
ممكن يكون فى اكتر من حل قبل مانفكر فى حكايه الاسرار لاشخاص
مش متاكدين من انهم ممكن نعين معاهم اسرارنا
ممكن يكون الصديق ساعتها ورقه وقلم
ممكن يكون البحر تحكيله اسرارك
ممكن تكون السما
وممكن يكون افضل من اى مخلوق على الارض
وتحكى اسرارك لربنا

١٨‏/١٢‏/٢٠٠٧

يا مخــــــــــــــــــــوفهم.........!!!!!!!!!!!!!!!




بصراحه فى ظاهرة غريبه جدااااااااااا اليومين دول

خلتنى مبقتش عارفه مفروض مين يخاف من مين ؟

يعنى اللى بيتاخد حقه يخاف من اللى اخد حقه ؟

ولا اللى واخد حق حد يخاف من اللى هوا واخد حقه ؟

الضابط يخاف من الحرامى؟

ولا الحرامى اللى يخاف من الظابط؟

اللى بيتسرق هو اللى يخاف من الحرامى؟

ولا الحرامى هو اللى يخاف من اللى بيسرق منه؟

؟؟

؟؟

؟؟

للاسف كل حاجه دلوقتى ماشيه بالعكس

لان اللى حاصل

ان الضابط بقى بيخاف من الحرامى

واللى بيتسرق بيخاف من اللى سرقه

وهكذا

يعنى مثلا عندنا فى المنوفيه (شبين الكوم) وبلا فخر

وصل الحال ان الحراميه بيسرقو غطيان البلاعات اللى فى الشوارع

وان البوليس عارفهم وسايبهم

والناس عارفاهم وساكته

ومحدش بيبلغ

هيبلغو مين ؟

البوليس؟؟؟!!!

ماهو عارف

طيب وبعدين

؟؟

؟؟

بصراحه مش عارفه

احنا مثلا الشارع بتاعنا

كل البيوت وبلا فخر برضو اتسرقت

وكلنا عارفين مين اللى بيسرق

بس لا حد بلغ ولا حد اتكلم ولا حد فتح بقه

ناس اتسرق منها انابيب وعجل وناس هدوم وسجاد

وحتى عدادات المايه والنور اتسرقت
وكله سااااااااااااااااااكت

صمت راااااااااااااااائع

وحتى غطيان البلاعات

النكته بقى ايه

احنا وبالصدفه البحته

شفنا الحرامى وهو بيرتب للسرقه

وللاسف باظ ترتيبه لسرقه غطا البلاعه للمره التالته بعد ما مجلس المدينه

تكرم علينا مشكورا بانهم يجيبو غطيان جديدة بدل اللى اتسرقت

وبعد طبعا ما بوظنا ترتين الاخ الحرامى الجهنمى

(انه البيه شال غطا البلاعه اللى محتاج 3 او 4 يشيلوة ورماه بعيد شويه عن البيوت
وغطاه بقماشه ولف لفتين ورجع تانى علشان ياخدة
والكلام ده بعد صلاه الفجر
اصل الاخ تقى وبيشتغل بعد الصلاه على طول
المهم
رجع الاستاذ من اللف بالعربيه الكارو المحترمه
وكنا واقفين فى البكونه بعد اكتشاف الجريمه
وشويه وسيبنا اخويا الصغير لوحدة فى البلكونه ودخلنا
ولكو ان تتخيلو البجااااااااااحه
الحرامى بيقوله فى حاجه انت واقف ليه؟
بجد بجاحه
ساعتها احنا شكينا فى الموضوع
وطلعنا تانى
وبعد تدقيق وتمحيص وتفحيص
اكتشفنا وجود قماشه غريبه مكنتش مرميه قبل كدا
ونظرا لعدم وجود بابا(مسافر)
اتصلنا بالجيران
وطبعا وقفو وقفه رجالــــــــــــه
ومحدش عمل حاجه
نزلت اشوف القماشه دى تحتها ايه
واكتشف الكنز المدفون تحت الانقاض
وهوا غطا البلاعه
وفييييييييييييين بقى على مالناس صحيت
والدنيا زهزهت كده وبانلها الوان
واخيرا فى 2 رجاله جم رجعو الغطا مكانه
وطبعا اخينا الحرامى متابع الحركه الجهاديه فى اصلاح ماتم افساده
بس من بعيد لبعيد
وبعد ما الوضع اصبح على مايرام
جه البيه طبعا يحط الامضاء بتاعه
ورجع القماشه فوق البلاعه تانى
يعنى بيقولنا هسرقها يعنى هسرقها)


بزمتكو بقى

الواحد يقول ايه !!!!!!!!!!

الحرامى بيه مخوف البلد كلها

و احد التعليقات اللى اتقالت

لما قلنا هنبلغ

قالو تبلغو ايه دة العساكر بتخاف منهم

وطبعا الشرطه اكيد فى خدمه الشعب

واخدين بالكو معايا

مين فى خدمه مين!!!

اصل مش مكفينا نسكت على السرقه الكبيره اللى احنا بقينا جزء منها

والبلد اللى بتتسرق مننا حته حته

وبعدين ايه دة يعنى نسكت على الحراميه الكبار والصغيرين لا

ليه يعنى

هما مالهومش نفس برضو ولا ايه

اما صحيح شعب وحش

اخيىىىىىىىىى



وطبعا منقدرش نقول غير


(يبقى انت اكيد فى مصر)


وتحيااااااااااااااااا مصر


معلش طولت عليكو وصدعتكو
بس بصراحه اصلى اتفرست من اخينا الحرامى ده قوووووووى

١٤‏/١٢‏/٢٠٠٧

يبقى انت اكيد فى مصر


ياترى اللى بناخدة فى الكليات دة اسمه تعليم بجد؟

او ليه علاقه حتى باسم كلمه تعليم ؟

انا عن نفسى ماظنش

لان هنلاقى الطلبه بتاخد مناهج غريبه مالهاش علاقه بالواقع انا بتكلم بشكل خاص عن كليتى (هندسه-قسم كهرباء)

بناخد مواد عارفين انها مهمه كاسم بس لكن المحتوى فين

يعنى المفروض اننا بعد مانتخرج هنبقى مهندسين نقدر نشتغل فى مصانع وشركات

بس ياترى اللى بندرسه دة بيأهلنا لكدة؟

بصراحه ماظنش

اولا المناهج بعيدة جدااااااااا عن الشغل العملى

وكمان طريقه التدريس نظريه لابعد مدى مفيش تطبيق عملى لاى حاجه اصلا

والمشكله ان مش الطلبه بس اللى حاسين دة

لأ

الدكاترة كمان يعنى تلاقى الدكتور بعد محاضرة ساعتين قاعد يشرح بيقول" ودة طبعا بيختلف تماما عن الناحيه العمليه"

طيب ياترى مين هيعرفنا بقى الناحيه العمليه دى؟

حتى امتحانات العملى (المفروض يعنى بما ان اسمها عملى)

برضو بنمتحنها نظرى وشفوى مفيش عملى دة خاااااااااالص

حتى المعمل بيكون عدد الطلبه فيه كام طول الترم؟

مش اقل من 20 طيب مين هيشتغل ومين مش هيشتغل

دة لو فى شغل بادينا اصلا

لان اى شغل المعيد هو اللى بيعمله لحسن الاجهزة تبوظ

مش عارفه اجهزة ايه اذا كان هو جهاز واحد اللى موجود

وبالرغم من كل دة ان احنا عارفين اهميه المواد اللى بندرسها بس مش عارفين نعمل ايه

وناس كتير بتتخرج وهيا ماتعرفش اى حاجه عن الناحيه العمليه فى الشغل يعنى تقريبا بنسبه(99.99%)من الطلبه
ودة طبعا اكيد من احد اسباب التخلف اللى البلد فيه

ان مش هندسه بس اللى كده

لا وطب

وصيدله

وعلوم
طيب ازاى مستنين البلد يتصلح حالها

ومين اللى هيصلح حالها غير الشباب

طيب اذا كانو اصلا مش عارفين اللى هما بيدرسوه او اللى بيتخصصوا فيه

هيصلحو ايه وازاى؟؟؟؟؟؟؟؟
بجد البلد هيا اللى عايزة تفضل فى التخلف والجهل

دة لا فى اهتمام من الحكومه ولا من جهات التعليم

بدايه من المدرس بتاع الابتدائى والاعدادى والثانوىوحتى دكتور الجامعه

لو لاقينا واحد عنده ضمير هنلاقى عشرة لا عشرين معندهمش ضمير

وكمان الطلبه برضو مشتركين فى دة لانهم بيدورو على الحاجه السهله اللى ميتعبوش فيها

وعلشان كده هنفضل زى ماحنا عمر مافى حاجه هتتغير




وبكده يبقى انت اكيد فى مصر

١٢‏/١٢‏/٢٠٠٧

~``,.عيد اضحى سعيد.,``~


اللهم اكتب لنا زيارة بيتك الحرام وقبر رسولك الكريم
اميييييييييييييييييين

يعينى على الخروف الغلبان
يلا الفته واللحمه برضو ليهم وضع تانى
بالهنا والشفا للجميع
























كل سنه وانتو طيبين

وعيد سعيد

لكل الناس









٠٦‏/١٢‏/٢٠٠٧

إنه لا أحــــــــــــــــــــــد




أنت أيها القلب الغاضب ماذا عساك لا تصمت؟ فماذا تريد يا أنت؟

لم تمتلئ بالغضب والصراخ ؟ ومابالك لا تقوى إلا على الصمت؟

أهو لخوفك من الكلام ؟ أم لحبك فى الهروب ؟

نعم لقد عرفت الحقيقه وتهرب إلى السراب فلم يعد هناك مايرضيك فى دنياك سوى الأحلام وها هى ذا تبدأ فى الهروب منك ايضاً

لم يعد فى دنياك من يستحق الإهتمام ولم يعد فى دنياك من يجرؤ على الكلام فكل ماتسمعه هذه الأيام ليس سوى كذب
فلم يعد من يستحق العناء لأجله ولم يعد من يستحق التفكير فيه........

حقاً إنه لم يعد

فمن كان قريباً أصبح بعيداً ومن كان بعيداً أصبح أبعد و أصبحت رؤياك كسراب هارب فهذا هو الحال فى كل مايحيط بك أيها المسكين

فلم يعد لك سوى الالام والأنين فى صمتك الحزين ولكن هل هذا يفيد؟

لا حقاً ان هذا لا يفيد فمن سيهتم إن صرخت ؟ من سيهتم ؟

من سيهتم إن بكيت ؟ من سيهتم ؟

من سيهتم إن تألمت ؟من سيهتم ؟

أتريد حقاً أن تعلم من ؟

حسناً سأخبرك ولكن فلتصمد يا عزيزى انها الحقيقه المؤلمه أتعرف

إنــــــــه لا أحــــــــــــــد
لا أحد سيهتم إن صرخت

لا أحد سيهتم إن بكيت

لا أحد سيهتم إن تألمت
لا احد سيهتم لأمرك يا عزيزى

لا أحـــــــــــــــــــــــــد

فأنت الأن وحيد لا تشغل بال أحد فى حين أن الجميع يشغل بالك لا أحد يفكر فيك وأنت تفكر فى من سواك

إنه لا أحـــــــد يا عزيزى

لا أحــــــــــــــــــــد

٢٨‏/١١‏/٢٠٠٧

انى رأيتك يوما .......لماذا؟



انى رأيتك يوما ..........لماذا؟


الكى ارى كل هذا الظلام الظاهر فى عينيك ؟


ام لتدمينى بكل هذا الهلاك النابع من شفتيك؟


الكى تمد يدا الى وتزرع بالاخرى خنجرك المسموم فى ظهرى؟


الكى تبتسم الى وهذا النهر الاسود النابع بين ضلوعك يتدفق فى وجهى؟


لم كل هذا الغموض فى عينيك؟


لم كل هذا الوجوم البادى عليك؟


احقا تتألم عندما ادركت معرفتى لافعالك؟


ام تتألم لظهور حقيقتك العاريه امام افعالك؟


ام تتألم لغدر ذكاؤك بك وكشف مواهبك امامى؟


ام انك تتألم لخسارتك احدى ضحاياك؟


انى حسبتك يوما منى وانت ابعد ماتكون عنى
لماذا يا اخى ؟


ام انك لم تكن يوما اخى؟


لماذا......؟؟؟؟؟؟

١٧‏/١١‏/٢٠٠٧

آآآآه يا أنا.......


آه يا انا .......كيف؟

كيف وقعت فى هذا الشرك اللعين ؟

كيف سمحت لهذا الكيان الاهوج الخروج من سجنه الدفين ؟

كيف تركت عينيكى تكشف هذا السر المدفون؟

كيف ذهبت بقلبك الى ابعد مما كنت تحلمين ؟

كيف ستخرجين من هذا البئر الدامى ؟

كيف؟ كيف؟

انت اضعف من تحمل كل هذة آلالام

لن تقوى تحمل هذه الجراح ولن تتحملى غذر الايام والانام


لا نعم لا والف لا

لن اكون بهذا الضعف المجنون

لا يا انا انى سأحيا وأحيا واستمتع بكل هذا الجمال

لقد تذوقت حلاوة دنياى بطعم الحب المجنون

انه لايضعفنى كام كنتى تقولين انه اصبح قوتى وزادى عند الاحتياج

وسأقوى على عذاب الفراق لاتذوق حلاوة اللقاء ونحيا معا فى سعاده وهناء