بصراحه فى ظاهرة غريبه جدااااااااااا اليومين دول
خلتنى مبقتش عارفه مفروض مين يخاف من مين ؟
يعنى اللى بيتاخد حقه يخاف من اللى اخد حقه ؟
ولا اللى واخد حق حد يخاف من اللى هوا واخد حقه ؟
الضابط يخاف من الحرامى؟
ولا الحرامى اللى يخاف من الظابط؟
اللى بيتسرق هو اللى يخاف من الحرامى؟
ولا الحرامى هو اللى يخاف من اللى بيسرق منه؟
؟؟
؟؟
؟؟
للاسف كل حاجه دلوقتى ماشيه بالعكس
لان اللى حاصل
ان الضابط بقى بيخاف من الحرامى
واللى بيتسرق بيخاف من اللى سرقه
وهكذا
يعنى مثلا عندنا فى المنوفيه (شبين الكوم) وبلا فخر
وصل الحال ان الحراميه بيسرقو غطيان البلاعات اللى فى الشوارع
وان البوليس عارفهم وسايبهم
والناس عارفاهم وساكته
ومحدش بيبلغ
هيبلغو مين ؟
البوليس؟؟؟!!!
ماهو عارف
طيب وبعدين
؟؟
؟؟
بصراحه مش عارفه
احنا مثلا الشارع بتاعنا
كل البيوت وبلا فخر برضو اتسرقت
وكلنا عارفين مين اللى بيسرق
بس لا حد بلغ ولا حد اتكلم ولا حد فتح بقه
ناس اتسرق منها انابيب وعجل وناس هدوم وسجاد
وحتى عدادات المايه والنور اتسرقت
وكله سااااااااااااااااااكت
صمت راااااااااااااااائع
وحتى غطيان البلاعات
النكته بقى ايه
احنا وبالصدفه البحته
شفنا الحرامى وهو بيرتب للسرقه
وللاسف باظ ترتيبه لسرقه غطا البلاعه للمره التالته بعد ما مجلس المدينه
تكرم علينا مشكورا بانهم يجيبو غطيان جديدة بدل اللى اتسرقت
وبعد طبعا ما بوظنا ترتين الاخ الحرامى الجهنمى
(انه البيه شال غطا البلاعه اللى محتاج 3 او 4 يشيلوة ورماه بعيد شويه عن البيوت
وغطاه بقماشه ولف لفتين ورجع تانى علشان ياخدة
والكلام ده بعد صلاه الفجر
اصل الاخ تقى وبيشتغل بعد الصلاه على طول
المهم
رجع الاستاذ من اللف بالعربيه الكارو المحترمه
وكنا واقفين فى البكونه بعد اكتشاف الجريمه
وشويه وسيبنا اخويا الصغير لوحدة فى البلكونه ودخلنا
ولكو ان تتخيلو البجااااااااااحه
الحرامى بيقوله فى حاجه انت واقف ليه؟
بجد بجاحه
ساعتها احنا شكينا فى الموضوع
وطلعنا تانى
وبعد تدقيق وتمحيص وتفحيص
اكتشفنا وجود قماشه غريبه مكنتش مرميه قبل كدا
ونظرا لعدم وجود بابا(مسافر)
اتصلنا بالجيران
اتصلنا بالجيران
وطبعا وقفو وقفه رجالــــــــــــه
ومحدش عمل حاجه
نزلت اشوف القماشه دى تحتها ايه
واكتشف الكنز المدفون تحت الانقاض
وهوا غطا البلاعه
وفييييييييييييين بقى على مالناس صحيت
والدنيا زهزهت كده وبانلها الوان
واخيرا فى 2 رجاله جم رجعو الغطا مكانه
وطبعا اخينا الحرامى متابع الحركه الجهاديه فى اصلاح ماتم افساده
بس من بعيد لبعيد
بس من بعيد لبعيد
وبعد ما الوضع اصبح على مايرام
جه البيه طبعا يحط الامضاء بتاعه
ورجع القماشه فوق البلاعه تانى
يعنى بيقولنا هسرقها يعنى هسرقها)
بزمتكو بقى
الواحد يقول ايه !!!!!!!!!!
الحرامى بيه مخوف البلد كلها
و احد التعليقات اللى اتقالت
لما قلنا هنبلغ
قالو تبلغو ايه دة العساكر بتخاف منهم
وطبعا الشرطه اكيد فى خدمه الشعب
واخدين بالكو معايا
مين فى خدمه مين!!!
اصل مش مكفينا نسكت على السرقه الكبيره اللى احنا بقينا جزء منها
اصل مش مكفينا نسكت على السرقه الكبيره اللى احنا بقينا جزء منها
والبلد اللى بتتسرق مننا حته حته
وبعدين ايه دة يعنى نسكت على الحراميه الكبار والصغيرين لا
ليه يعنى
هما مالهومش نفس برضو ولا ايه
اما صحيح شعب وحش
اخيىىىىىىىىى
وطبعا منقدرش نقول غير
(يبقى انت اكيد فى مصر)
وتحيااااااااااااااااا مصر
معلش طولت عليكو وصدعتكو
بس بصراحه اصلى اتفرست من اخينا الحرامى ده قوووووووى
هناك ٨ تعليقات:
كل عـــام وأنتم بخير
عـــيد ســـعيد
أعادة الله عليكم بالخير والبركات
خالو احمد
وانت بخير وسعادة يا احمد
ويكون عيد سعيد علينا وعلى كل المسلمين
السلام عليكم
شر البلية ما يضحك
كل عام وانت بخير
تقبل الله منا ومنك
الراقص مع الذئاب
نورت البلوج
وفعلا شر البليه ما يضحك
واتارى الشعب مش قادر يبطل ضحك
عيد سعيد عليك وعلينا كلنا
كل سنة وانتى طيبة
يا جامد
ايه الثقة دى
تنزلى و تشيلى الغطا
نورا - طبعا عارفاها-
بتقول كانت داخلة فيلم هى فوضى
هى و رهف -طبعا عارفاها بردوا-
ف الظابط دخل بيت يسرق صورة
بتقولها ايه ده هو مين ده
قالتلها حرامى
قالتلها هو مش ظابط
قالتلها لا دا ظابط بس بيشتغل دلوقتى حرامى
قالتلها مش الظابط دا اللى بيقبض على الحررامية
نورا غالبا قالتلها دا كان زمان
:)
رأيى بئا فى الموضوع بئا انكوا تعزلوا من بيتكوا دا يا بنتى
انا تعبتلكوا
تعالوا جنبنا
احنا عندنا حرامية غسيل بس
كل سنة وانتى طيبة
اولا انا بحيكى على شجاعتك وحدة غيرك كانت كبرت دماغها ذى ما كتير مكبرين دماغهم فى البلد
ثانيا احنا مركزين على الحرامية الصغيرين وسايبين الحرامية الكبار
انتى عارفة غطا البلاعة اللى الحرامى تاعب نفسة وبيسرقة يساوى كام؟ كلام فارغ بس الظروف هى اللى وصلتنا لكدة
انتى عارفة ميزانية الدولة السنة اللى فاتت فيها 10 مليون فى بند التعازى اللى فى الجرايد و10 مليون فى بند السهو ده غير ارقام تانية اللى يقراها يجيله يا شلل يا جلطة
احنا بقة سايبين كل دول وبنتشطر على الحرامية بتوع البلعات
break
ازيك يا ميرو
كل سنه وانتى طيبه يا قمر
بصى بقى يستى بما انى متقمصه دور ادهم صبرى اليومين دول
ممكن نعزل ونيجى جمبكو بس فضى حته انتى بس وانا هجيب البيت واجى
ههههههههههههههههه
حدوته
اولا كل سنه وانت طيب
الموضوع كله اننا بقينا ينشوف الحاجه الغلط قدامنا ونرضى بيها سواء من الكبير او الصغير
كلنا عارفين ان البلد بتتنهب مش بتتسرق
وان مصر دى ممكن تعيش شعبها احسن عيشه
بش لو خيرها اتوظف صح
مش اتنهب
الغريبه ان الشعب اللى ربنا ذكرة فى القراُن انه افضل شعوب الارض
مبقاش افضل شعوب الارض
بقى اكتر شعب بيحط لسانه فى بقه ويسكت
ولسه ياما هنشوف
لما الناس بقت تسرق بعض بالشكل ده
ووصلت للبلاعات كمان
ربنا يستر علينا
وكل واحد لازم بعد ما يصحى يتمم على مفسه
صوابع ايديه ورجليه وودانه
اه
مهو مبقاش فى حاجه مضمونه برضو
ربنا يسترها
إرسال تعليق