اين تضع اسرارك؟؟؟؟؟؟
اكيد لو حد سالك السؤال دة هتفكر كويس قبل ماترد
المفروض يكون الرد انك تقول احد افراد عيلتك(امى -ابويا-اخويا-اختى-جوزى-مراتى)
بالرغم من كل الناس القريبين دول بيكون الواحد محتاج لحد تانى قريب منه
حد صاحبه يآمنه على اسرار حياته
يحكيله ويسمع منه
يرمى عليه همومه اللى تاعباه من غير مايخاف انه قال قال لحد
ويكون حد بيمثله الامان والخلاص من هموم كتير يخاف يزعل بيها اقرب الناس ليه
او حتى يخاف يواجه نفسه بيها من غير ماحد يشجعه
بس يا ترى ممكن الواحد يقابل حد يثق فيه قوى كده؟؟؟؟؟
ناس كتير هتقول لا
وناس اكتر هتقول مستحيل
وناش اكتر واكتر هيقولو هو مش مستحيل بس دة من رابع المستحيلات
وناس تانيه وهم قله هيقولو ممكن اه وليه لا
طيب لو فكرنا سوا هنلاقى ان حتى لو فى حد ممكن نثق فيه قوى كده بعد اقرب الناس لينا
ياترى الثقه دى هتفضل لحد امتى ؟؟؟؟
وياترى اسرارنا دى هتبقى فعلا فى آمان؟؟؟؟
وياترى التعامل بين الطرفين هيبقى واحد قبل وبعد معرفه الاسرار دى؟؟؟؟
مش ممكن احد الاطراف يحس بالقوة والغرور لمعرفه اسرار التانى؟؟؟؟
اكيد اسئله كتير هنقف ساكتين قدامها ومش هنلاقى رد
واكيد فى عواقب كتيييييير للموضوع ده
واغلبها هيتوقف على كيفيه اختيار الشخص المناسب اللى تعين معاه اسرارك
لان ممكن لو الشخص اللى اخترناه طلع غلط تتقلب اسرارنا لسلاح ضدنا
علشان كده احسن حد ممكن يحافظ على اسرارنا هما اهلنا (الاب اوالام-الاخ اوالاخت-الزوج اوالزوجه)لان محدش
هيخاف علينا ولا على حياتنا قدهم
وفى ناس هتقول مبعرفش احكى اسرارى ليهم
ممكن يكون فى اكتر من حل قبل مانفكر فى حكايه الاسرار لاشخاص
مش متاكدين من انهم ممكن نعين معاهم اسرارنا
ممكن يكون الصديق ساعتها ورقه وقلم
ممكن يكون البحر تحكيله اسرارك
ممكن تكون السما
وممكن يكون افضل من اى مخلوق على الارض
وتحكى اسرارك لربنا
هناك ١٨ تعليقًا:
يسعدنى أن أتقدم باسمى وجميع إخوانى إلى الأمة العربية والإسلامية بخالص التهنئة بمناسبة عيد الأضحى المبارك سائلا المولى – تبارك وتعالى – أن يعيده علينا بالخير واليمن والبركات، وأن يمكن لدينه أن يسود ولشريعته أن تحكم إنه ولى ذلك والقادر عليه ، وتهنئة خاصة إلى كل المجاهدين فى أرض الله، وإلى إخواننا المرابطين فى أرض فلسطين الحبيبة مع دعواتنا أن يثبت الله أقدامهم، وينصرهم على عدوهم، ويوحد بين صفوفهم ، وتهنئة إلى الأخوة الأحباب خلف الأسوار فى مصر وفلسطين وفى شتى بقاع الأرض .. وأسأل الله – عز وجل – أن يفرج عنهم فى أقرب وقت وأن يردهم إلى أهلهم ودعوتهم سالمين غانمين مأجورين، وأن يعلى بهم وبنا كلمة الحق والدين ..
هاى اخبارك ايه
بصى يا سيتى المشكلة مش فى مين اللى تحكيله اسرارك المشكلة فى اختيار الصديق الامين ولو لقيتى الصديق ده ممكن تفتحيله قلبك وانتى مطمنة ده لو الكلام بيريحك انا عن نفسى مبحبش اتكلم فى مشكلى مع حد مع العلم بأنى عندى اصدقاء كتير وكلهم بيحبونى وممكن اتكلم معاهم برحتى ومن غير كسوف بس انا الكلام مبيريحنيش وبحب اخد وادى مع نفسى ولو بمر بمشكلة افضل اكلم نفسى واحاول اعالجها مع نفسى برضة بس فى ناس تانية بتستريح لما بتتكلم مع حد ويسمعها
ولو حد من صحابك قولتيلوا على سر قبل كدة واستغله ابعدى عنه لأنه منافق ذى ما قال الرسول (صلى) من ايات المنافق إذا خاصم فجر
وعلى فكرة الصديق الوفى من نعم الله على الانسان ويارب ينعم علينا بالصديق اللى يعينا على طاعتة وليس العكس
بوصى ياستى
هو انا ممكن اقول اسرارى لاتنين من اصحابى بس ماما وبابا واخوى دول صعب شويتين انى اقولهم اى سر من اسرارى علشان محدش فيهم يعرفنى اوى او اصحاب
بس انا صاحبه اخوى جدا جدا
بس على الرغم انى بقول لاصحابى اسرارى وهما نفس الحكايه مش بنعرف نخبى حاجه على بعض
بس فى اسرار صغننه كدا تحسى انو مينفعش تقوليها لحد اسرار ليكى وبتاعتك وصعب ان حد يشاركك فيها
بس بعد فترة معينه انتى اللى بتحدديها بتقولى السر دا للناس القريبه منك
علشان بردة مينفعش تخبى عليهم حاجه
nice post على فكرة
ياااه يا شيماء
انتى زى ما تكونى حاسه بيا
انتى عارفه انا بقيت بحكى اسرارى لمين
لنفسى بقعد مع نفسى فى الاوضه واتكلم معاها واعتبرها صديق بحكيله واتخيلها الصاحب اللى عايزاه يسمع
وفى بعض الاحيان بسمعها بتردعليا
يمكن يكون جنون عند ناس كتير بس انا بحس انى برتاح لانى بقول اللى جوايا حتى ولو كان ..... لنفسى
الحشرى
كل سنه وانت طيب وعيد سعيد
حدوتة
كلامك كله صح
اختيار الصديق هو اهم حاجه ولو اخترت صديق صح عمرك ماهتخبى عنه حاجه
وبجد الصديق الحقيقى بيكون نعمه من ربنا
lonlysmily
اوقات الواحد ممكن يكون صديق لناس كتيييييييير
بس مش شرط يكون ليه اصدقاء كتير
ودى برضو نعمه من عند ربنا ان فى ناس كتير بتثق فيه
الفراشه الصغيرة
ازيك يا شيمو
شئ جميل انك تقولى اللى جواكى
حتى لو كان لنفسك
المهم مش تحبسيه جواكى
ودة مش جنون طبعا
لان الجنون ان الواحد يفضل يشيل جواه لحد مايتجنن فعلا
شوفى ياشيمو
صح جدا ان مش أى حد يعرف اسرارك وبيقولوا كمان
احذر من عدوك مره ومن صديقك ألف مره
لربما انقلب الصديق عدوا
وسعاتها بقى هتبقى الكارثه الكبيره
بس بصراحه انا عن نفسى الوحيده الى بقدر اترمى فى حضنها وأحكى وابكى هى امى بس دا مش معناه انها عارفه كل حاجه عنى وانها كتير مش بتفهمنى فبلجأ لأختى أو لصحبتى أو ذى ما قلتى لقلمى
فانا بقى مقسمه اسرارى على الأربعه دول وطبعا لو اتلخبطت هتبقى مشكله كبيره:):):):)
تحياتى
شيماء
السلام عليكم
كل سنه وانتي طيبه
-------
فعلا الزمن ده نادر جدا جدا ان حد يحافظ علي سر صديقه ,عشان كده انا متفق معكي في ان المفروض اننا نحكي اسرارنا لاهلنا فقط لانهم اكتر ناس بيحبونا ويخافوا علينا
موضوعك جميل
تحياتي وسلامي
يا شوشو انا مش شيماء
انا رودينا
يعنى رودى
يعنى اسكندرية
وناس اسكندرية
وسمعنى سلام مربع لاهل اسكندرية
ترررتاتاترترترتررراترترترترتتت
همسات دافئه
عندك حق فى المقوله دى
احذر من عدوك مره ومن صديقك ألف مره
انا معاكى فيها جدااااااااا
ويلا بقى اما نشوف هتحلى مشكلتك ازاى لو اتخطبتى(:
rack-yourmind
كل سنه وانت طيب وبخير
فعلا افضل حد ممكن نعين معاه اسرارنا هما اهلنا لان عمر ماحد هيخاف علينا قدهم
مرسيى لردك ونورتنى
الفراشه الصغيرة
سورى يارودى
انا كل ده كنت فاكره اسمك شيماء
على العموم متزعليش
احلى سلام لرودى
واهل اسكندريه كلهم
وهيييييييه
على فكره انا بحب اسكندريه جداااااااااا
المدونه حلوه اوى ورائعه وعجبانى اوى انا فعلا كان متهايألى انى مش ممكن القي حد احكيله اسراري وااتمنه عليها وكنت دايما بحكى للبحر وبحكى للنجوم اللى فى السما لحد ما اتخطبت وبجد انا مش عارفه اقولك ايه بجد شخص كتوم للاسرار ومش ممكن اى كلمه تطلع بره لاي حد انا مشكلتى انى مش بعرف اثق في حد اوى انى اقوله اسراري وكنت مستبعده تماما انى القى حد فى يوم ااتمنه على حاجه بس الحمد لله في اشخاص كويسين لسه
ربنا يوفقك
tota_fm
اولا انتى نورتى البلوج
ومرسيى على كلامك الجميل
واكيد حاجه جميله انك تلاقى حد تحكيله اسرارك وخصوصا انه خطيبك وزوجك فى المستقبل
ربنا يخليه ليكى ويباركلك فيه يا قمر
طالما عندنا الصديق الامين والمخلص اكيد انا هقوله اسرارى طبعا مش كل الاسرار بتتحكى فيه اسرار لازم تحتفظ بيها لنفسك
رميو
روميو
اكيد لما بيكون صديق بجد بكل معانى كلمه صديق
هنقدر نحكيله اسرارنا
ربنا يدمها نعمه علينا
نورت البلوج
إرسال تعليق