امبارح بالصدفه كنت بتفرج على برنامج للعسيلى على OTV وبصراحه هو دماغه كويسه قوى
وبيحاول يدي الشباب امل فى بكره
وان بكره بتاعنا ولازم نحاول ونغير البلد
هو طبعا كلامه جميل ومش هنكر انه اثر فيا وادانى احساس ولو صغير ان بجد ممكن البلد دى حالها يتغير
بس ياترى الامل دة ممكن يوصلنا انتيجه بجد
وليه احنا اللى لازم نتحمل اخطاء اللى ماسكين البلد دلوقتى وقبل كدا
ليه كل حكومه تمسك البلد تسرق وتنهب وتاكل حقنا واحنا نسكت
وكمان نتيجه اللى بيعملوة احنا اللى هنتحملها
ياترى مصر بجد ممكن تتغير؟
ياترى احنا الدنيا موديانا على فين ؟
ياترى الطريق اللى ماشيين فيه نهايته ايه ؟
ياترى الطريق اللى ماشيين فيه نهايته ايه ؟
هناك ١٣ تعليقًا:
السلام عليكم
انتى مش قولتيلى مبتحبيش السياسه
ايه لازمته الكلام الكبير ده
انا بحب محمود العسيلى ومتابع البرنامج بتاعه
والله الامل موجود ما احنا لو معندناش امل يبقى نروح نموت احسن
ربنا يستر
سلالالالالالالالالالالالالالالالالالالالالالالالالام
وعليكم السلام ورحمه الله وبركاته
اه انا فعلا مبحبش السياسه خااااااااالص
وممكن تقول عليا كمان جاهله سياسيا بدرجه امتياز
بس البرنامج يوم ماشفته شدنى قوى
حسيت ان لسه فى ناس بتحب مصر وبتخاف عليها
يلا ربنا يسترها على البلد دى
نورتنى بمتابعتك بجد
ببقى سعيده لما الاقى تعليقك على اى بوست بكتبه D:
السلام عليكم
وحشتينى ياشيمو ...........
بجد أنا كمان مش عارفة مصر هتودينا فين ،هنروح ورا الى مسكين مصر وبيحكموها ولا هنمشى ورا عقلنا وفكرنا
المفروض اننا شباب الغد الى المفروض عارف مصلحة مصر علشان يوجها بس للأسف الناس الى مسكه مصر مش مديانا فرصة نقول اننا موجودين عملين يحبطونا من كل الجهات
أنا خلصت كلامى مع ان المفروض ان الكلام ميخلص
سلامى ليكى ويارب ترجعيلى بالسلامة
هجيلك قريب
اه طبعا ممكن تتغير
بس امتى الله اعلم ؟؟؟؟؟؟؟
تحياتى
بصى يا شيما
مش هقولك اكتر من
ان نصر الله لقريب
وانا شاء الله
ربنا يدينا القوة من جوانا علشان نقول لا بقوة
على الاوضاع الخاطئه فى البلد
ساعتها بس هنقدر نغير الحاجات الوحشه فى بلدنا لان كل حاجة شاعتها هتبقى بادينا مش بايديهم
كان لازم اعرف ان فى حاجه غلط بس معلش الدنيا كانت سرقانى لفتره طويله لسه راجع ............................ يا رب تكون الرساله وصلت (i.s)
اسمحي لى اقولك ان التغير ممكن و بسهولة
سيبك من شعارات البرامج لسبب لإن اللى ح يغير لازم يكون قدوة عشان الناس تصدقه
لو عندك ايمان و رغبة اكيدة في التغيير و انك بتحب البلد دى فعلا مكن تسعدينا احنا مجموعة صغيرة بدأنا نحاول من سنة تقريبا في نطاق الكلية و دلوت احنا بنحاول في نطاق اوسع
هدفنا في التغير تغير القاعدة
و انا عن نفسي بحاول اغير في مكان ماكنتش اتخيل ان فكرتى ممكن تلاقي صدى فيه و كتير عارضوا اني اعرض الموضوع لكن صممت و عرضته للمسئول و وافق و ان بجهز خطتة التنفيذ
لو بجد عايزة تغير هاتي ايدك في ايدنا
انا ح اغيب فترة 15 يوم
دراما ح تعرف توصلى
ومش انتى بس انا عايز كلواحد بيحب البلد بجد يكون معانا
اسماء
ازيك وحشتيى موووت ومصر كلها وحشتنى
ايه اخبارك واخبار النتيجه ابقى طمنينى عليكى
ويارب يستى الدنيا من حوالينا نتغير ونلاقى مكان لاحلامنا والامل اللى جوانا يكبر ويكبر
التغيير ممكون جدا وموجود على طول
يس للاسف احوال البلد بتتغير للاوحش
واحنا نفسنا تتغير للاحسن
وزى ماقلتى
الله واعلم امتى دة هيحصل؟!!!!!
الفراشة الصغيرة
اكيد نصر الله قريب
ويارب يكون قريب قوى
لان الناس تعبت قوى وحاله البلد بقت صعبه قوى
ولازم نحاول على جزء من الامل والقوة علشان نقدر نتغير
غير معرف
لو على الحاجات الغلط هتلاقى الدنيا مليانه حاجات غلط
لكن لازم نحاول نصلحها ونبدأ من نفسنا الاول
ومبروك رجوعك بعد ماكانت الدنيا سرقاك
يا (i.s)
marktwain
اولا البلوج بجد نور بتعليقك
واكيد محدش يقدر يرفض يعمل حاجه تساعد فى ان حال البلد دى يتغير ويكون احسن
لكن المشكله ان فى نقص فى الثقافه عند الشعب عامه ونقص ضمير كمان وهو دة سبب الحال اللى وصلناله
ويارب يكون فى فعلا حاجه تقدر تصلح ده
بوصى اولا اشطات انك بتحبى العسيلى لانى بعشق الواد من ساعه اما كان فى نجوم اف ام
ثانيا دى بلدنا روحنا ولا جينا هى بلدنا بردة, وبنتحمل سرقه ونهب الحكومات اللى بتعدى علينا لاننا رضينا من الاول بيها فنتحمل بقى
عارفه فى حاجه كدا اسمها دورة التاريخ يعنى امم بتطلع وامم بتنزل يعنى فى اوائل الحرب العالميه الاولى مكنش فى حاجه اسمها امريكا خالص وكانت يتيمه ومرميه لوحدها معزوله وكان الجبروت هو الاتحاد السوفيتى ودار التاريخ والجبروت دلوقتى امريكا الله يحرقها يعنى ودلوقتى الاتحاد السوفيتى اتفكك وبقى دول كتير اوى ولا يذكر فى الاحداث اللى بتحصل دلوقتى
فمصر لو احنا عيزنها تتغير هتتغير بس الشعب بقى عنده ثقافه التكاسل والبلطجه والفهلوه فعمرنا ما هنتغير واحنا كدا
فلازم نبدا احنا الاول علشان مصر تبدا بعدينا
اسفه ع الاطاله بس فى حوار التغيير والامل دا مبقدرش امسك روحى:)
إرسال تعليق