كانت اقرب واحده ليا فى الكليه وللاسف دبلرت وهتعيد السنه
مش عارفه هقضى السنه دى ازاى من غيرها
هتوحشنى كل حاجه كنا بنعملها سوا
مش عارفه ازاى هدخل المدرج واحضر المحاضرة وانتى مش معايا
مش عارفه ازاى هحضر السكاشن والمعامل وانتى مش معايا
بجد الموضوع صعب قوى
لما تقرب من حد قوى وفجأه القدر يبعدك عنه بتحس باحساس مميت
بجد هتوحشينى قووووووووى يا شيماء
هناك ١٥ تعليقًا:
ربنا يصبرك بس انت لسه تعرفى تشوفيها فى اي وقت او هتقابليها اذا اشتقتي ليها وتتكلم معاكي او لو مشكله قبلتك وعايزه رأيها قتلاقيها وهتلاقى رأيها موجود واكيد بنفس نسبة جودته زي ما هو ...بس انا مشكلتى انى مش اوصل لصديقى والحاجه اللى كنت بعرف اتواصل بيها كانت الموبيل او الايميل لا ده موجود ولا ده وانا مش عارف اعمل ايه بس هو موجود كصديق عندي ولكن ممكن اكون غلطت فى حقه مره بس احسن من الهروب المواجهه وانا مبعرفش اخسر وفى يوم هوصل بس ياريت تيجى منه....... (.i.S)
على فكرة الموضوع مش بالصعوبة اللى انتي متخيلها لو انتوا اصحاب بجد تفضلوا ده لان المدرج عمرة ماكان اساس الصدقاة لأنك ح تخرجوا من الكلية و كل واحد حيروح في حته و مش حيكون فيه مدرج
انا كان ليه كل سنة زمايل جدد في الكلية لكن اصدقائي فضل برده اصدقائي رغم انهم اتخرجوا 2003 و انا اتخرجت 2007 فما تزعليش اوعي كده الدرسة ح تخليكي تنسي نفسك شخصياً
فعلا حاجه توجع ف القلب
ان الواحد يكون له حد بيفهمه ف الدنيا وبعدين يبعد شويه
بس لازم نفكر حبتين
هي لسه عايشه
و موجوده ف بلدك
وجمبك
ونفس كليتك
و نفس الوقت
يمكن يكون في احساس بس وحش
لكن في حاجات كتير اوي لسه حلوه
دوري عليها
غير معرف
يارب
وانا والله عارفه انها لسه موجوده
بس اكيد الواحد بيتأثر لما حد عزيز عليه قوى يبعد عنه
وانت كمان حاول تقرب من صديقك لو هو قدامك
لان الصديق مش سهل انه يتعوض
بس ياترى ؟(i.s.)اسمك؟؟
marktwain
يمكن الموضوع مش بالصعوبه دى فعلا
بس عارف لما تكون فى مكان كل اللى فيه بعيد قوى ومفيش غير حد واحد ممكن يكون جنبك
وفجأه هو كمان يبعد ولو بحكم القدر
اكيد الحياه هتستمر طبعا بس اكيد برضو هتبقى اصعب من قبل كدا
الزمايل فى كل مكان كتييييير
لكن الاصدقاء قليلين قوووووى
ويابختك باصدقائك وربنا مش يحرمك منهم
ma7moud_so3ody
هى فعلا حاجه توجع قوى
هى اه جنبى وفى بلدى وفى كليتى
وهى اه ممكن اشوفها واكلمها
لكن الصعب فى كل دة ان اقرب حد ليك فى مكان بتقضى فيه اكتر من نص وقتك فجأه يبعد
لكن اكيد الدنيا فيها حاجات كتير حلوة
مرسى ليك على شعورك وكلامك
ياستى انا موجودة بدالها اهو انا بردة شيماء واسد يعنى:D
انا بجد مقدرة شعورك دا الواحد لو راح يوم الكليه ومش قى اى حد من اصحابه القريبين بيحس انه يتيم فى الكليه
انا مش بقولك كدا علشان تزعلى
بس صدقينى هى مساله تعود هى ممكن تكون صحبتك الانتيم بس اكيد فى ناس تانيه قريبه منك هتزعلى وتحسى انك وحيدة فى اول فترة بس بعد كدا هتتأقلمى....صدقينى
ربنا معاكى يا جميل :)
وانا موجودة اهو لو محتاجه حاجه:D
حاجة صعبة اوى بجد
انا حاسة بيكى لانى كنت زيك صحبتى اوى فى الثانوية وكنا متخيلين هندخل نفس الكلية مع بعض ربنا ينتقم منه التنسيق بقا وكل واحدة راحت كلية تانية وماكنتش عايزة اروح الكلية وكنت حاسة بالغربة والله بس مع الوقت بتتعودى وبيكون ليكى اصحاب وتتعرفى على ناس اكتر
على فكرة هى لسه صاحبتى اوى لحد دلوقتى رغم ان احنا بعدنا فى الكلية لكن البعد ده خلانا نقرب اكتر
وانتى كمان وشيماء هتفضلوا مع بعض على طول مادام بتحبيها اوى كدهواكيد هى كمان بتحبك
ماتزعليش ابدااااا
ربنا معاهاومعاكى
بس طول ما انتم اصحاب كل شىء يهون
انا اساسا اصحابى الانتيم كان فى اقسام مختلفه عنى
وكنا بنحضر مع بعض برضه
يعنى لما اكون فاضيه احضر معاها والعكس
وكنا برضه بنقضى وقت جميل فى الكليه
المهم انكم انتم تكون
متمسكين بصحوبيتكم وربنا يخليكم لبعض لان الحياه مشاغل
دة تدريب صغير على المستقبل
عاشر يأبن أدم مسيرك مفارق
الحياة ذكريات ومبادىء
فلتكن ذكرياتك طيبة
الصداقة الحقيقية لاتنتهى
مع تحياتى
lonlysmily
ربنا يخليكى يا شيماء
والله انا عارفه ان كلامك مش علشان يزعلنى ولا حاجه
وعارفه ان اكيد مع الوقت هتعود والسنه هتعدى
بس اكيد لو كانت معايا كانت هتبقى الكليه احلى بكتييييييييير
totaaaa
انا عارفه اللى انتى بتقوليه على صاحبتك بتاعه ثانويه عامه
لانى برضو مريت بالموضوع ده
وانتيمتى فى الحياه كلها التنسيق برضو فرقنا بس رغم كدا قربنا اكتر من بعض
واهو لما لاقيت شيماء فى الكليه القدر بعدنا عن بعض
لكن الحمد لله على كل حال
مرسيى ليكى على كلامك وربنا يخليلنا كل اصحابنا
الفراشة الصغيرة
يارب يا رودى
واهو الدنيا هتمشى
وطبعا كل وقت فاضى هنقضيه سوا
بس صعب الاقى حد بسهوله يبقى انتيمى
وزى ماقلتى اهو تعود
وشويه والواحد هيتعود
محمد
كلامك صح قوووووووى
عاشر يأبن أدم مسيرك مفارق
الحياة ذكريات ومبادىء
فلتكن ذكرياتك طيبة
الصداقة الحقيقية لاتنتهى
اكيد الصداقه الحقيقيه لا تنتهى ابداااااااااااا
ياه ياضي القمر فكرتينى بالايام الحلوه بس خلاص كلو راح لحالو والقريب بعد الكليه بقه بعيد وقربت من ناس متخيلتش انهم هم دول الهيفضلو بس بجد عادى بتحصل كتير اوى اهم حاجه انو ده بيكون اختبار حقيقى للصداقه ولازم تنجحوا في ربنا يكرمك يارب بجد انت انسانه رقيقه اوى وفي جواك قلب جميل وربنا يكرم صحبتك وتنجح السنه جايه والحياه تستمررررررررر
تحياتى
إرسال تعليق