قصص الحب الجميله اكيد ناقصها قصه
وبين كل الاغانى غنوه حب ناقصه
عارفه ماتقولش انت ان انا وانت الغنوة اللى ناقصه
وهنبقى احلى غنوه فى قصص الحب الجميله
بينا شطين وبحر اسمه بحر الخجل
هنعديه بعد شهر هنعديه بعد دهر على مركب امل
وساعتها راح نتغنى نملى كل الاغانى
وساعتها الشُعَره منا يستلهموا كل المعانى
عارفه وماتقولش انت ان انا وانت احنا الغنوه اللى ناقصه
وهنبقى احلى غنوه فى قصص الحب الجميله
بينى وبين عيونك مواعيد ماخدنهاش
بينى وبين عيونك حاجات ماقصدناهاش
بحلم واصحى الاقى الحلم مانتهاش
منين جايه الاغانى واحنا مقصدناهاش
امتى عرفناها واحنا عمرنا ماسمعناهاش
بحلم واصحى الاقى الحلم مانتهاش
ياريت ماتقولش انت ازاى انا وانت هنبقى اسطورة بين كل العاشقين
تعشقنا فى الصورة الوان الرسامين
دى اغنيه لنجاه بصراحه اول ماسمعتها عجبتنى قووووى
بتوصف حاله من الحب ماظنش انها موجودة فى ايامنا
هناك ٩ تعليقات:
طبعا كلمات الاغنيه جميله جدا
معظم كلمات الاغاني القديمه جميله جدا وفيها مشاعرراقيه واحاسيس جميله ,مش زي اغاني الايام دي اللي معظمها هلس في هلس
انا طبعا بحب اغاني المطربه الكبيره نجاة وحليم وام كلثوم وغيرهم من عمالقة الزمن الجميل بس بميل اكتر للعملاق حليم
تحياتي وسلامي
اديمى قلتيها بنفسيتك ان معانى الاغنية مش موجودة فى هذا الزمان
ليه بقى.. عشان زماننا العسول دا مبقاش فيه حد فاضى يحس من اساسه:)
وزى مابتقول الست
قول للزماااااااان ارجع يازماااااان
والزمان هيرد ويقولك
اللى عاوزنى يجيييلى يجييييلى
انا مابرحش لحد:)
وكل سنة وانتى طيبة يا قمرة
لما امتحاناتك تخلص لو لسا بتمتحنى يعنى قوليلى واحنا نتقابل ان شاء الله
سلااااااااام
جميلة كلمات الأغنية
و عجبتنى الصورة كمان
يا ريت الرومانسية بتاعت زمان ترجع
و يا ريت العلاقات تبقى راقية
و تبقى كلها علاقات يرضاها ربنا
جزاكم الله خيرا
د.حمـــــاس
السلام عليكم
والله اغنية جميلة بس انا مسمعتهاش قبل كدة
على فكرة الكلام ده مبيحصلش لا دلوقتى ولا زمان بس احنا من كتر سماع الاغانى اللى بتتكلم فى نفس الموضوع بيتهيألنا حاجات اساسا مش موجوده بس احنا بنتخيلها
rack-yourmind
فعلا اغانى زمان ليها طعم تانى
كلمات والحان وصوت كمان
انا كمان بحب اغانى زمان حليم ونجاة اكتر حاجه
صورصارة
فعلا قول للزمان ارجع يا زمان
بس لا هو هيرجع ولا احنا هنعرف نرجع لزمان
كفايه دلوقتى معظم الشباب اللى من سننا بيحبو اكتر حد سعد الصغير وبعرور
والله حاجه تكسف
وبعدين يا ستى انا من اول الناس اللى هتخلص فى شبين 15/1
يعنى يوم التلات
اى وقت بعد كده انا موجوده
د.حماس
عندك حق بس حتى لو قلنا بلاش الرومانسيه ترجع زى زمان
طيب حتى العلاقات بين اى اتنين
ياريت نحاول نرتقى بعلاقتنا مع اى حد
لان حالتنا بقت صعبه قوووووى
ربنا يتولانا برحمته
وسعيدة للمتابعه المستمرة
نورت البلوج
حدوته
انا كمان كانت دى اول مرة اسمع فيها الاغنيه
ممكن تكون دى فعلا حاجات بنسمعها فى الاغانى وبس
ومبتحصلش رز مان ولا دلوقتى
بس عامه لو بصينا لمستوى الاغانى
من زمان لدلوقتى هنلاقى فرق
كبييييييييييييير
السلام عليكم
بصراحة أنا كنت بدور علي كلمات الاغنية دي مع إني حفظها تقريباً بس كنت عايز أعرف مين اللي كاتبها لاني بحبها جداً وبحب أغاني نجاة عموماً وكانت صدفة حلوه علشان أشوف المدونه الجميلة دي وأسمحيلي أكون من زوارها إن شاء الله
تقبلي تحياتي
إرسال تعليق