من اكتر الناس اللى بحب اقرالهم صلاح جاهين
بجد انسان رائع
وكلامه بيودينا لحكمه او حقيقه موجوده فى حياتنا
او بيخلينا نفكر فى حالنا ودنيتنا
يا باب يا مقفول ...
إمتي الدخول صبرت ياما و اللي يصبر ينول
دقيت سنين ...
و الرد يرجع لي : مين ؟
لو كنت عارف مين أنا كنت أقول
عجبي !!!
كل واحد فينا جواه حاجات كتير ممكن يكون عارفها
وممكن تكون تايهه منه
طيب امتى نعرف احنا مين؟؟؟ وايه؟؟؟؟
اكتر حاجه تحير الواحد لما يفكر هو جواه ايه ؟؟؟
او عايز ايه ؟؟؟
ياترى هيجى وقت ونعرف احنا ايه ؟؟
ولا هنسيب الزمان هو اللى يعرفنا
اوقات كتير يكون الانسان اتنين مش واحد
واحد عايش جواه وبس
والتانى عايش براه وبس
طيب ليه منبقاش حاجه واحده
من جوانا زى من برانا
ليه بندور على قناع نلبسه قدام الناس
لا وفى ناس عندها الف قناع وقناع
بس اكيد مش مرتاحين
الراحه هتيجى منين طول ماحنا مش عارفين نبقى واحد وبس
وبنعيش اتنين مش واحد؟!!!!!
هناك ١١ تعليقًا:
صحيح الراحة تيجي منين لو فضلنا اتنين مش واحد....بوست جميل واجمل مافيه الشعور الراقي الممزوج بالفلسفة العالية..تعرف ان اهم ما يميز الناجحين هو انهم تصالحوا مع انفسهم اولا عشان كده قدروا يغيروا ويصنعوا شيء يفيدهم ويفيد غيرهم....شكرا على البوست الرائع ده ويارب المزيد
صلاح جاهين شاعر كبير وياما امتعنا بكلماته الجميله
اختيار موفق لهذه الكلمات الجميله
تحياتي وسلامي
اية يا بنتى الجمال ده
شعر وفلسفه فى بوست واحد
لا بجد بوست رائع
من انسانه جميله
تحياتى لقلمك
abul_hasan
مرسيى ليك
وفعلا اهم حاجه فى الدنيا ان الواحد يتصالح مع نفسه
وساعتها هموم ومشاكل كتير هتختفى من حياتنا
نورت البلوج
rack-yourmind
فعلا صلاح جاهين امتعنا بكلماته الرائعه
ومرسيى ليك
بجد بكون سعيده بمتابعتك المستمرة للبلوج
الفراشة الصغيرة
ربنا يخليكى يارب
ايه الكلام الجامد دة
فلسفه وكمان شعر
ربنا يكرمك وترفعى معنوياتى كده على طول
هذه هى المرة الاولى ى فى هذا البلوج تحياتى لهذا الاختيار الرائع
فعلا جاهين شاعر رائع ومتمكن وكلماتك ايضا تنم عن عمق ..تحياتى
عمرو
انسان بلا عنوان
نورت البلوج ويارب متكونش
المره الاخيرة ليك هنا
ومرسيى ليك
بالرغم من جمال روحه المشعه
أتصدمت لما عرفت أن مات منتحرا
thanx 4 sharing
sabrina
اولا نورتى البلوج فى اول زيارة ليكى
ثانيا
هو فعلا ابدعنا بكلماته وكتاباته
اما موضوع موته منتحرا دى
فانا بصراحه معنديش اى معلومات عن الموضوع ده
وكمان اول مرة اعرف انه مات منتحر
ربنا يرحمه ويرحمنا كلنا
مهانا مبعترفش بالشاعر الكامل ولا باشخص الخارق اللى كل كلامه فى احساس لأن الاحساس ده نابع من موقف وشعور وقتى يقدر الشاعر يعبر عن اللى بداخله عن طريق لسانه لكن اللى يتقمص اى شعور يكون حرفه وليس احساس .
ولكن هذه المقوله انا سمعتها من سنتين بس وعلقت معايا ومكنتش فاكرها اوى ولسه مدور عليها وواجدها من يومين لأنى حستها (ده شعور جامد مووووووووووت)
إرسال تعليق