just for you

This rose just for you to remember me  

همسة عتاب

عيد سعيد

كل سنه وانتم طيبين
وعيد سعيد علي كل الناس ويارب يجعل كل ايام المسلمين فرحه وعيد

رمضان كــــــــــــريم

باقى حوالى اسبوعين عن رمضان
كل رمضان وانتو طيبين


اولا :
رمضان كريم على كل المسلمين فى كل الدنيا
ويارب السنه دى كل واحد عنده ذنب يتوب منه
وكل واحد مخاصم حد يصالحه
وكل واحد زعلان من حد يسامحه
ويكون رمضان السنه دى احسن من السنه اللى فاتت فى علاقتنا بربنا

ثانيا:
فى ناس بعدت عنهم فترة لانى مسافره وخلاص هرجع يارب ميكونوش زعلانين
(اكيد انتى عارفه انى اقصدك)

ثالثا :
معلش لو اتاخرت شويه فى الردود وغبت عن البلوج شويه

يا اللَـــه

لـــــو رجع بينا الزمان

اكيد لو رجع بينا الزمان تانى

هنتمنى نغير حاجات كتير فى دنيتنا

حاجات حصلت عايزنها ماتحصلش

وحاجات محصلتش عايزنها تحصل

لكن ياترى هنقدر فعلا نغير قدرنا؟؟؟

كل ده لـــــــــــو

لكن الحل اننا نرضى بقدرنا ونعيش ونحاول نغير اللى جاى لاننا مش هنقدر نغير اللى فات

فاعل لا مفعول به

عندما نويت الرحيل واخذت حقيبتى لملت مابقى من فتات افكارى واخدت معى همومى واحزانى

كنت انوى البقاء مع ما اخذت من الالام والجراح واظل بعيدا عن الحياه ابكى على ما كان

ووجدت نفسى لا احتمل ذلك الانين والصراخ بداخلى

لست انا من تستسلم لما قد كان لست انا

لقد قررت ان اسير بهذه الحقيبه المليئه بالذكريات الاليمه والواقع المرير

بكل ما فيها من احزان فلقد ذهبت بها الى الهاويه

لا لأن اسقط بها ولكن لكى اضعها بيدى هناك واعود

نعم اعود الىَ انا

اعود الى نفسى واتذوق عسل الحياه قبل علقمها

لكى احيا سعيده قبل ان اغدو حزينه

لقد جئت اليك الأن وكلى امل

نعم كلى امل وتفاؤل

ولن اسمح لأىٍ كان ان يُمكنك ايتها الدموع من مجرد الظهور فى عيني

لن اسمح لهذا الحزن الكريه ان يدخل اليك مره اخرى يا قلبى

فسوف احارب جاهده وبكل ما أُتيت من قوة لكى اكون فاعل لا مفعول به

أسيـــــ الصمت ـــــر

هتوحشينى قـــــــــــــــوى

كانت اقرب واحده ليا فى الكليه وللاسف دبلرت وهتعيد السنه

مش عارفه هقضى السنه دى ازاى من غيرها

هتوحشنى كل حاجه كنا بنعملها سوا

مش عارفه ازاى هدخل المدرج واحضر المحاضرة وانتى مش معايا

مش عارفه ازاى هحضر السكاشن والمعامل وانتى مش معايا

بجد الموضوع صعب قوى

لما تقرب من حد قوى وفجأه القدر يبعدك عنه بتحس باحساس مميت

بجد هتوحشينى قووووووووى يا شيماء

على فين هتودينا يا مصر

امبارح بالصدفه كنت بتفرج على برنامج للعسيلى على OTV وبصراحه هو دماغه كويسه قوى

وبيحاول يدي الشباب امل فى بكره

وان بكره بتاعنا ولازم نحاول ونغير البلد

هو طبعا كلامه جميل ومش هنكر انه اثر فيا وادانى احساس ولو صغير ان بجد ممكن البلد دى حالها يتغير

بس ياترى الامل دة ممكن يوصلنا انتيجه بجد

وليه احنا اللى لازم نتحمل اخطاء اللى ماسكين البلد دلوقتى وقبل كدا

ليه كل حكومه تمسك البلد تسرق وتنهب وتاكل حقنا واحنا نسكت

وكمان نتيجه اللى بيعملوة احنا اللى هنتحملها

ياترى مصر بجد ممكن تتغير؟

ياترى احنا الدنيا موديانا على فين ؟
ياترى الطريق اللى ماشيين فيه نهايته ايه ؟

احبـــــــــــــــك

اشتقت اليك يا شمعه تنير حياتى
ان كان الامر بيدى ماخترت الفراق
ولكنه القدر الذى يحكم بيننا
ولكن لابد يوم من اللقاء بعد كل هذا الفراق
احبـــــــــــــــــــــــــــك

ذكريـــــــــــــــات

ذكريات جميله بتعدى علينا

ثوانى , دقايق , ساعات , ايام وسنين

لحظات كدا بتعدى بسرعه مابين ايدينا

لكن بتسيب اثر جميل فى قلوبنا

او حتى مش جميل

لكن برضو ذكريات

بتأثر فينا حاجات صعب ننساها

لما الوقت بيمر وتعدى الايام والسنين

بتختفى كل اللحظات دى فى ايقونه الزمن

وبنكمل حياتنا بحلوها ومرها

بنعرف ناس وننسى ناس ونتناسى ناس

الدنيا بتمشى

عمرها مابتقف لحد

ولا لفرح حد او حتى زعل حد

لكن فى النهايه بنعيش

وبتعيش جوانا ذكريات

منها الحلو ومنها الوحش

بيفضلو الاتنين جوانا

وممكن نفتكرهم فى لحظه صفا

*كرسى على البحر والسما زرقا وكوبايه عصير فريش واغنيه جميله (حليم مثلا)

وننسى كل الدنيا ونعيش ذكرياتنا تانى

**انا عن نفسى ساعتها مش عايزة افتكر الا الذكريات الجميله وبس

ياترى كل واحد هيحب يفتكر ايه ؟؟؟؟

موقف او جمله او حكايه.......

عندمــــــــــــا.........

عندما لا تعلم هل انت الان كما تريد؟ام لا؟

عندما تشعر انك غريب عنك!!!

عندما لا تعلم من انت؟او اين انت من نفسك؟

اين تذهب بك الاقدار؟اهى حقا معك كما تتمنى؟!!ام هى ضدك؟!!

عندما تجد دفء وحنان يتسرب الى قلبك ولا تعلم من اين اتى ؟!!او كيف استطاع الوصول الى ثناياك؟!!

عندما ترى ضوء القمر وتلألؤ النجوم يضوى فى عينيك فى منتصف النهار

وتحس بضوء الشمس يبخر احزانك ويدفء جبينك فى منتصف الليل

عندما تجد كل ما تتمنى امام عينيك

ولكن

تقف عاجزا امامه لا تقوى على لمسه بيديك بل كل ماتستطيع فعله هو ان تسترق النظر اله فى خلسه من الزمان

عندما تصل الى قمه سعادتك وترضى بما هو بين يديك ولا تتطلع الى شئ سوى الحفاظ عليه

أشتاق لذاتى

اشتاق لذاتى فلتعيدها الي

لقد سلبتنى اياها فى برهه

لم انتبه اليك الا بعدما فات الاوان

لقد سلبتنى عقلى وقلبى وذاتى معا

وها انا ذا احيا داخل عقلك وقلبك وذاتك

ورغم دفئك وحنانك الا انى اشتاق لذاتى

انــــــــى اشتـــــــاق لذاتــــــــــــى

كفـــــــــــــــــــــــى

إنــــــــــى اقـولـهـا لـك

هى: انى اقولها لك

هو : انا !!!!!

هى: نعم انت .

فلتعلم جيداٌ ان صمتى ليس ضعفأُ او خوفاٌ فعندى ماهو اقوى من الصمت وصدقنى لن تستطيع تحمله

هو: صمتك ...هاهاهاهاهاهاهاها - وماذا بعد صمتك عزيزتى ؟!!!

هى: تستخف بصمتى ...حسناٌ

لكن لا تستتخف بدعاء المظلوم فإن ربى وربك اعلم بما فى النفوس

ولن يضيع الحق مادام بين يدي الرحمن

ولتلعم ان دنيانا دنيـــــــــــــــــــــا

وانه كما تدين تدان

I mean U

ياترى لما نحب حد قوى ممكن نجرحه؟؟؟؟؟؟؟؟؟

اكيد كل واحد فينا عنده حد بيحبه قوى

مقصدش الاب او الام -الاخ او الاخت

لكن اقصد الاصدقاء صديق او صديقه -حبيب او حبيبه

ياترى لما بنحب حد بجد ويبقى هو رمز الامان لينا فى حياتنا نحكيله اسرارنا ونشكيله همومنا واحزانا ونسيب دموعنا تنزل بين ايديه من غير مانخاف

لما تكون احلى ذكرياتنا واحلى لحظات حياتنا عايشينها معاه

لما بس تسمع اسمه بترتاح وتلاقى الفرحه هتنط من عنيك

لما كلمه واحده منه تنسف عاصفه من الغضب جواك

لما تبص فى عنيه وتلاقى حنان ينسيك اكبر احزانك

ياترى بعد كل ده

ممكن تجرح؟

ممكن تخون؟

ممكن تغدر؟

بيتهيألى صعب قوووووووى بعد كل الحب ده تجرح او تخون او تغدر

بس برضو اكيد كلنا ممكن نغلط

طيب لو غلطنا نعمل ايه ؟

نغمض عنينا ونعمل مش واخدين بالنا لحد ما نلاقى كل حاجه بتضيع من بين ايدينا؟؟؟

اكيد لا

اول حاجه مفروض تعترف بغلطك قدام نفسك وقدام الناس وتحاول ما تكررش الغلط دة تانى

واكيد لو حبك للشخص ده متبادل هيسامحك او على الاقل يحاول يسامحك

وهيقدر انك غلطت اه

لكن مش تقصد تجرح او تخون او تغدر

كلامى انتى عارفه انه ليكى وبجد مش لاقيه كلام تانى اقوله ياريت تكونى فهمتينى

رحله النسيان

دى خاطرة لاحد المهندسين الزملاء
بدون ذكر اسماء بناء على طلب الكاتب
بس عايزة رأيكو بصراحه
انا عن نفسى شايفاها كويسه

تهت انا فى دنيا النسيــــــان
تــــهت بس مش من زمـــــــان
تهت انا ملقتش حنــــــــان
قــــــد اللي بين ايديا كــــــــــان
تهت انا ملقتش مكـــــان
احــــس فيه بالامـــــــــــــــــان
هربت من كل اللى كــــان
قعدت ادور على النسيــــــــــــان
هربت من حلم السنيــــــن
معرفتش انا كده عايش لميــــــن
نسيت انا كنت رايح فيــن
واصلا انا كنت جاي منيــــــــن
نسيت بفضل من الرحمــن
حب فى لحظه بقى حرمــــــــان
نسيت حـــــــــــب كـــــــــــان
وعشت فى رحلة النسيـــــــــــان
كنت بهرب من كل مكان
بفتكرفيه ايام زمــــــــــــــــــــان
دلوقتى وصلت لبر كله امان
عايش زى اى انســـــــــــــــــان
دلوقتى عايش فى امان
فى دنيــــــــــــــــا النسيــــــــان

ترى ما السر ايها القلب؟؟؟

عندما تشعر بهدوء داخلك وتجد عاصفه من النسيم تلطف مشاعرك وتحيط بك اينما تكون

تستمتع بتغريد العصافير ورائحه الزهور ويطرب قلبك وتلمع عيناك ويصفو ذهنك ويخلو بالك من كل الهموم

لاتعرف الى اين ذهبت ؟؟؟ او ماذا حل بك ؟؟؟

عندما لا ترى الا اللون الوردى امامك وعندما تتساءل عن باقى الالوان فلا تتذكرها !!!!!

فلقد سقطت من حسبان ذاكرتك وليكن لفترة وجيزه دون اى اسباب فلم تعد تهتم او تتذكر ماكان من الالوان

لم تعد تهتم او تتذكر ماكان من اسى وصعاب لم تعد تتذكر ايام العذاب ولا صوت نحيب قلبك المسكين على جرح قد مضى اسقطتك فيه الايام او جرح مازال ينزف حتى الان انك حقا لم تعتد تهتم

لن اقل انك تجاهد مع النسيان لتظفر بقدرتك على متابعه الحياه ولكن فلنقل انك تتناسى ماكان من الالام ولو لفترات ولا تنظر خلفك الى ما فات ولكنك تريد رؤيه ما هو ات فلتنظر فقط امامك لذلك الافق البعيد وحذارى من ان تنظر خلفك او تحت قدميك حتى لا تضيع تلك اللحظات المليئه بلون البهجه والسرور

انك الان ترى الدنيا بلون اخر غير الذى كان لون لم تتعود على ان تراه حولك فى كل مكان ينير ضروب الحياه يصفى القلوب ويريح العيون ويسكت الصرخات والانين

تُرى ما سبب ذلك التحول الذى انت فيه ايه القلب ؟؟؟

اهو حبا فى الحياه ؟

ام هربا من الاحزان ؟

ام تطلعا الى النسيان ؟

ام فرارا من واقع اليم ؟

ام تطلعا ليوم بعيد المنال؟
ام .......................؟؟؟؟

رحله الى بلاد الطيبه

الفترة اللى فاتت قصرت شويه ومكنتش بكتب ولا بتابع حياه المدونين

بس معلش تتعوض ان شاء الله

الفترة اللى قاتت كنت فى رحله جميله جدا بيتهيألى عمرى ماهنساها

رحله الاقصر واسوان

بجد البلاد دى جميله قووووووى سواء كمكان نزورة او كناس عايشين فيها

بجد الناس هناك طيبين قووى والكرم دة شويه عليهم بيحبو اى حد بيزور بلدهم وبيعاملو اى حد بطريقه كويسه جدا تخلى الوحد نفسه يروح تانى وتالت ورابع

الاثار هناك بجد حاجه تحفه مهما الواحد اتفرج على برامج للاثار او افلام لما نشوف الاثار دى بعنينا هتفرق كتيييييييييييير وهنعرف قد ايه الفراعنه كانو بجد ناس عظيمه قووووووووووووى

كانوا بيفكروا فى كل حاجه بشكل منظم سواء هندسه او عماره او فلك بجد لما اتفرجت على الاثار دى حسيت ان الشهرة والتاريخ بتاع الفراعنه حاجه قليله على العظمه والابداع بتاعهم

وان بجد علشان نقدر نسترجع ولو جزء بسيط من الحضارة دى ناقصنا كتييييييييييير قوووووووووووى

احلى حاجه فى الرحله دى انى كنت طالعاها مع الانتيم بتاعتى وهستغل الفرصه واقولها متزعليش منى يا يويو من اى حاجه تكون ضايقتك لانك عارفه ان صداقتنا عمر مافى حاجه هتقدر تهزها او تأثر عليها وربنا مايحرمنيش منك ابداااااااااااااااااااااااااا

دى بقى شويه صور من هناك

دى صورة لميثاق الصداقه بين مصر وروسيا لبناء السد العالى

دى صورة لجزيرة النباتات فى اسوان من برا وبجد الاشجار والنباتات هناك حاجه رااااائعه بتخلى الواحد يحس براحه وهدوء جميل

دى صورة لجزيرة النباتات بس من جوا

دى صورة للنيل من اسوان

دى صورة لمعبد حتشبسوت بس من بعيد شويه ودة بجد تحفه معماريه لانه مبنى بين الجبال بطريقه فنيه رااااااائعه

دى صورة لاحدى المسلات فى معبد الكرنك

دى صورة لبعض الاعمده فى وادى الملوك فى البر الغربى فى الاقصر

بطاقه التموين ؟؟!!

الصورة دى للسجل المدنى فى شبين الكوم – المنوفيه
ودى بالصدفه كنت بخلص ورق هناك وشفت المنظر ده وفى نفس اليوم رحت اخلص ورق فى طنطا لاقيت نفس الزحمه واكتر شويه هناك فى السجل المدنى وقبلها بيوم سمعت من جدى ان فى زحمه برضو فى السجل المدنى فى المنصوره
يعنى كل المحافظات اكيد كدا واكتر وياترى ليه كل دة؟؟!!!

اكيد كلنا سمعنا عن موضوع التموين وان كل اسرة لازم تعمل بطاقه تموين
وعلشان نعمل بطاقه تموين لازم نعمل شهادات ميلاد الكترونيه
طبعا اول ما الناس عرفو الموضوع وحصل هجوم على المصالح الحكوميه
كل الناس بتجرى علشان تلحق تعمل شهادات الميلاد الالكترونيه علشان يعملوا البطاقه التموينيه ...ليه؟؟؟!!!
لان الناس وصلها كلام ان كل حاجه بعد كده هتبقى على البطاقه التموينيه
تقريبا هنعمل زى روسيا ايام زمان
يعنى تسمع اللى يقولك (لا ياعم دة مش سكر و رز وبس دة حتى العيش على البطاقه )
و واحد تانى يقولك ( ياه انت متعرفش دة بنزين العربيه هيبقى على البطاقه )
وكلام كتير بيتقال ومحدش عارف الحقيقه فين
وسمعت تعليق من واحد سواق تاكسى بيقول(تلاقى الحكومه مزنوقه فى قرشين تدفع مرتبات الموظفين فعملوا الحركه دى واهو الشعب هيقول امين )
طيب ياترى ايه الحكايه كل واحد بيسمع من اللى بيقوله وخلاص ومحدش عارف الحقيقه فين
والكل بيجرى علشان يطلع البطاقه وبس من غير مانعرف اصل الموضوع ايه
ولازم طبعا يكون فى شهاده ميلاد الكترونيه علشان الناس تعمل البطاقه دى
طيب اذا كان فى ناس معندهاش شهاده ميلاد اساسا هيعملوا ايه؟!!!!
طيب ازاى مصر كلها 75مليون هيلحقو يعملوا الشهاده الالكترونيه وبعدها البطاقه فى مده محدده؟؟
طيب لو فعلا كل حاجه هتتصرف على البطاقه دى ياترى كيلو السكر وكيلو الرز وكيلو المكرونه هيكفوا الاسرة اللى ممكن توصل 7 ولا 8 افراد؟؟؟
طيب الناس اللى فى العشوائيات هيعملوا ايه ؟؟
طيب واللى مش هيلحق يعمل البطاقه دى موقفه ايه ؟؟

مع ملاحظه طبعاان الاسعار بقت ناااار والتجار رفعوا اسعار السلع فعلا من قبل حتى ما موضوع البطاقات التموينيه دة يشتغل ولا الناس تصرف حاجه بيه
امال لو فعلا الحكومه وزعت كل حاجه على البطاقه الاسعار هيبقى شكلها ايه ؟؟

بجد الواحد مبقاش عارف ياترى الشعب بقى بيجرى ورا اى كلمه بتتقال وخلاص
ولا الحكومه ناويه على ايه
بجد زحمه مش ممكن حد يتخيلها رجاله وستات صغيرين وكبار وشيوخ ومسنين بيفقوا باليومين من غير مايروحوا بيوتهم علشان الموضوع دة
يعنى لما راجل عجوز يبات قدام السجل المدنى فى عز البرد علشان يلحق الصبح مكان ويعمل شهاده الميلاد علشان البطاقه دى
دة يبقى ايه
وكل ده ويا عالم فعلا الكلام الللى بيتقال صح ولا غلط

سعاده غارقه فى دموع الحزن

عندما تجد حلمك بالسعاده يتحقق امام عينيك وتبدأ قيثاره الغناء تتسرب الى اذنيك وتتخلل كيانك وتجد نفسك تتراقص على تلك الترانيم والالحان وضوء الشمس يشعرك بالحنان و تغريد العصافير يحيى الذكريات فى الاذهان وتغرق فى حلمك الجميل

ولكن فى خصب هذة المشاعر السعيده والجو الملئ بالدفئ والحنان يتجسد امامك شبح الحزن المخيف الذى يلازمك كلما فكرت مجرد تفكير فى لحظاتك السعيده المليئه بالفرح والسرور ويحاول سلبها منك بكل ما اوتى من قوة

يسترق السمع لتلك الالحان ليعرف مصدرها ويجول ببصرة فى كل مكان داخل ذلك القلب الملئ بالخفقان ليرى من اى الابواب تدخل تلك الالحان فيهرع اليها ويبحث جاهدا عن القفل المناسب لغلق تلك الابواب ويعمل على منع الضوء والهواء عن تلك الابواب والشرفات

وبذلك تجد نفسك عاجزا عن كل شئ سوى البكاء المرير

عاجزا عن الاستمتاع بلحظه سعاده تسرقها من الزمان دون ان يغمرها هذا الخوف المميت من لحظات بل نقل ساعات لا بل ايام الحزن التاليه
فتقف فى حيز لا يتسع لك ان تحرك فيه اناملك ولا ان ترمش فيه عيناك ولا ان تتبسم فيه شفتاك ولا ان تستنشق فيه تلك النسمات لا تقوى حقا فيه الا على البكاء بدموع صامته وتجد صدرك يطبق على هذا القلب المسكين مرتعدا موصدا جميع الابواب امام اى شعور بالسعادة حابسا انفاسه من الدخول او الخروج حتى لا يعرف بشأنها ذلك الشبح المخيف فتتجمد اطرافك وتفقد شعورك بالحياه ولا تشعر الا بتلك القطرات الدافئه المتساقطه على وجهك

هكذا تمر لحظات السعاده فى حياتنا فنخاف ان نحيا فيها حيث يسرقها صوت الحزن او حتى شبح خوفنا من لحظات الحزن

فنجد انفسنا فى اقوى لحظات السعادة صوت الحزن يطرق باب قلوبنا ويمنعنا من الاستمتاع بتلك اللحظات التى نسرقها من زمننا
فتصبح لحظات سعاده مليئه بدموع الحزن

معلش يمكن يكون بوست كئيب انا مكنتش ناويه اكتبه خالص بس فى حاجات بتيجى ومبنكونش مرتبين لها خالص وبنلاقى حاجات بتأثر علينا من غير مانحس

إلى أى مدى تحب ........

الى اى مدى يمكن ان يصل بنا الحب ؟؟؟؟

ان الحب عاطفه تولد مع الانسان لحظه طرقه باب الحياه

فيولد بحب عريزى تحاه والديه ثم يتعدد بعد ذلك مايحب كل انسان

ولكن الحب يولد بداخلنا طاقه لا يعلم الانسان من اين تاتى والى اين تدفعنا ولكن تبقى فى النهايه حب

هناك من يحوله الحب من انسان عادى الى انسان مبدع رائع ناجح وسعيد

يغير من حاله الى الافضل دائما وابدا ويعمل جاهدا مجتهدا على اسعاد من يحب ويكون هذا هو

الحب البناء الذى يرتقى بطرفيه الى مكانه عاليه يكون فيها الحب قائدا الى حيث الامن والامان

ويعمل الحب على اسعاد طرفيه باى مكان وزمان

وهناك من يحوله الحب الحب الى كائن مثير للشفقه لايعلم ما يفعل ولا يعلم كيف يفكر

يحطم ماحوله حتى لايرى سوى نفسه مع من يحب لا يهتم بما يدور فى فلكه

لا يعلم ما يدمر او لم يدمر ولكن مايهمه هو احساسه بتملك من يحب

ويالها الشعور القاتل!!!!! فان مايشغل باله هو ان يبقى وحده لمن يحب

ولكن وسط هذا الصخب من هذة المشاعر المصحوبه بالهلاك يمكن ان يدمر بيده من يحب

دون ان يشعر بذلك ويتحول هذا الحب من عاطفه جياشه باحلى معانى الامن والامان

الى عاطفه قاتله مدمرة تهدم كل ماهو جميل ورائع ويمكن ان نسميه جنون الحب

ولذلك يجب ان يسأل كل منا نفسه الى اى مدى نحب ؟؟

والى اى مدى يمكن ان نحب دون ان ندمر مانحب؟؟

تاج سعودى

جالى تاج من محمود سعودى

ومرسيى ليك يا محمود على التاج

هل توافق على حذف خانة الديانة من البطاقة الشخصية ؟

اكيد لا اكيد موصلناش للدرجه اللى نخبى فيها ديانتنا

مفروض نكون فخورين بدينا

ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟هل لديك أصدقاء من المثليين ؟

بصراحه اى كلام ميوصفش اللى هما فيه ناس ضلوا عن طريق الخير

ربنا اداهم اكبر نعمه فى الحياه (دين الاسلام) وبرضو مفيش فايده فيهم

لا طبعا مش موافقه على الاعتراف بيهم

لا ماليش اصدقاء منهم ولا عمرى هيكون ليا اصدقاء منهم

هل تعتقد بوجود إضطهاد للمسيحين فى مصر؟

ماظنش فى اضطهاد للمسيحين خاااااالص فى مصر ولا حتى فى غير مصر

بس فى اضطهاد لناس تانيه كتيييير

من هو الشخص الذى تختارة لرئاسة مصر ؟

اى حد من الناس اللى بتخاف على البلد بجد ونفسها الاحاول تتعدل بجد

مش كلام وبس

حد يخاف على الشعب وحقوقه اللى ضايعه مش يسقف للى يسرق اكتر

وينهب اكتر وميفكرش الا فى الكرسى اللى هيقعد عليه وبس

اذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟

اى حد يخاف على مصالح الشعب يعنى الشعب يحكم نفسه بنفسه وساعتها كل واحد هيخاف على البلد دى ويحاول يصلح فيها مش يخربها

أيهما تفضل كزوجة .. امرأة عاملة ، أم ربة منزل؟

بما انى بنت فاكيد هفضل زوج عامل D:

اذا تزوجت وأنجبت ولدين وبنتين .. أى الأسماء تحب أن تسمى ؟

الولاد زياد واياد

البنات ملك وشهد

هل تعتقد أن توريث الحكم فى مصر . . سيتم فعلا أم لا ؟

هيتم ونص وتلات اربع

وهنسقف كمان ونحتفل ونهيص

مش الحكومه بقى

فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

بصراحه حاجات كتييييييييييييييييييييييييييير

مش عارفه اكتب ايه ولا ايه

ثم لمن تمرر هذا التاج ؟

لكل حد يمر من هنا

وكمان

مركب ورق

RACK-YOURMIND

حدوته

الفراشه الصغيرة

DRAMAQUEEN

SORSARAA

TOTA_FM

بيتنا القديم

همسات دافئه

سفاح كرموز

وتتساقط رخات المطر

تتساقط ايامنا كحبات المطر تسعد اناس وتحزن اخرين

فهذا طفل صغير سعيد برخات المطر المتساقطه على رأسه يلعب ويلهو ولا يفكر الا فى هذه القطرات الصغيرة

من اين تاتى؟!! وتداعب وجهه الضاحك فى سكون

وهذه فتاه تنظر الى رخات المطر بعينين رائعتان يملؤهما امل جميل فى حياه سعيده تحلم بها

وتدعو فى حشوع مؤمنه باستجابه الخالق لها وابواب السماء مفتوحه على مصراعيها

وبيقين خفى ان دعاؤها لحظه هطول هذه الامطار مستجاب

بان تحقق حلها فى حياه هادئه ولقاء يغير حياتها الخاليه الى حياه ملؤها الحب والسعادة

وهذه ام تقف امام هذه القطرات تحلم بحياه افضل لوليدها .. تحلم بحياه لم تستطع هي ان تحياها

وتتمنى من ربها ان يبارك لها فى هذا الطفل الصغير ويحقق لها ماتحلم به ويكون هو املها فى دنيا

لم تقوى على مجاراتها

وهؤلاء اخرون يجرون ويمرحون ويلعبون تحت تلك الرخات فرحين بتلك الرخات

يرمون تحتها همومهم وتزيل هيا ما يعيق اذهانهم ويؤرق حياتهم ولو فقط لبضع دقائق

ينسون حياتهم المليئه بالهموم ويعودون كالاطفال يفرحون بهذة القطرات الصغيره

وهذا رجل نال الشيب من راسه واضحاه كهلا ينظر من نافذته الصغيره الى تلك الحبيبات المتساقطه

امام عينيه الزائغتين فتثير فى ذهنه الكثير من الذكريات منها السعيد ومنها الحزين

يتذكر كيف تساقطت ايام حياته امام عينيه كتلك القطرات دون ان يلحظها لم يشعر بها الا بعد انقضائها

فمرت ايام الطفوله والشباب امام عينيه كشريط متحرك يتذكر ايام كان لا يعلم انها لن تعود

ويتذكر كيف كان يرى غروب الشمس على الشاطئ ولا يعلم ان الشمس بذلك تعلن عن انتهاء يوم انقضى ولن يعود

وبمرور تلك الايام التى لم يدرك هروبها من بين يديه

بدأ الشيب يتسلل الى ملامحه والوهن يتسرب الى جسده لتعلن له هذه المظاهر على انقضاء سنوات عمره

فايام حياتنا تتساقط كتلك الرخات كلاهما لا يستطيع العوده الى حيث أتى

ولكن تلك القطرات ليس بامكانها اختيار باى بقعه من بقاع الارض ترسو

اما نحن بامكاننا ان نختار كيف نحيا ايامنا فلا نتركها تهرب من بين ايدينا دون ان نحياها كما نريد

عـجـبـى

من اكتر الناس اللى بحب اقرالهم صلاح جاهين

بجد انسان رائع

وكلامه بيودينا لحكمه او حقيقه موجوده فى حياتنا

او بيخلينا نفكر فى حالنا ودنيتنا

يا باب يا مقفول ...

إمتي الدخول صبرت ياما و اللي يصبر ينول

دقيت سنين ...

و الرد يرجع لي : مين ؟

لو كنت عارف مين أنا كنت أقول

عجبي !!!

كل واحد فينا جواه حاجات كتير ممكن يكون عارفها

وممكن تكون تايهه منه

طيب امتى نعرف احنا مين؟؟؟ وايه؟؟؟؟

اكتر حاجه تحير الواحد لما يفكر هو جواه ايه ؟؟؟

او عايز ايه ؟؟؟

ياترى هيجى وقت ونعرف احنا ايه ؟؟

ولا هنسيب الزمان هو اللى يعرفنا

اوقات كتير يكون الانسان اتنين مش واحد

واحد عايش جواه وبس

والتانى عايش براه وبس

طيب ليه منبقاش حاجه واحده

من جوانا زى من برانا

ليه بندور على قناع نلبسه قدام الناس

لا وفى ناس عندها الف قناع وقناع

بس اكيد مش مرتاحين

الراحه هتيجى منين طول ماحنا مش عارفين نبقى واحد وبس

وبنعيش اتنين مش واحد؟!!!!!

شمس وغيوم!!!!

ها هو بصيص ضوء النهار يطل على هذا الكون الجميل

فلقد اشرقت شمس النهار وبدأ يوم جديد فى حياه كل انسان

وها هو الهواء العليل يدخل الى الصدور وينعش القلوب وينير العقول

ولكن مابالها الدنيا لا تتبسم ؟!!!!

ومن اين اتت هذه الغيوم السوداء؟!!!!

لم حلت تلك الغيوم على هذه الايام واكلت نورها وجمالها !!!!

فما بال الاصدقاء تحولوا !!!

وما بال الضمير قد مات !!!

وما بال الصدق الذى كان ؟!! لقد اكله الزمان ولم يبق منه الا القتات

ولكن اين نجد هذا الفتات والجميع لا بأبهون لوجوده من عدم وجوده

فلا يبحث عنه الا القليل .....لا فلنقل قليل القليل .... واى قليل...!!

لقد عم الغدر والرياء وظهر الكذب والنفاق

وما اصعب ان نجد هذا فى من نظنهم لنا اصدقاء بل كانو اصدق الاصدقاء

HappyBirthday

عيد ميلاد الليله مين؟؟؟؟؟؟؟؟؟

عيد ميلاد الليله مييين؟؟؟؟؟؟

عيد ميلاد الليله مين عيد ميلاد اجمل الحلوييييييين

النهارده عيد ميلاد احلى اخت فى الدنيا

لـــــــــــــــــــــــــــــــــــــوزة

كل سنه وانتى طيبه يا لـــــــــــــــــــــــــوزة

وكل سنه وانتى احلى واجمل بنوته فى الدنيا يارب

وكمان (اطول بنوته ) برفع روحك المعنويه بس

هههههههه

يارب تبقى سنه جديدة وحلوة كده

واشوفك فيها فراحانه ومبسوطه على طول

طبعا مش هنسى الهديه

بس خلى بالك وانتى بتفتحيها

انا مش مسئوله

قصص الحب الجميله

قصص الحب الجميله اكيد ناقصها قصه

وبين كل الاغانى غنوه حب ناقصه

عارفه ماتقولش انت ان انا وانت الغنوة اللى ناقصه

وهنبقى احلى غنوه فى قصص الحب الجميله

بينا شطين وبحر اسمه بحر الخجل

هنعديه بعد شهر هنعديه بعد دهر على مركب امل

وساعتها راح نتغنى نملى كل الاغانى

وساعتها الشُعَره منا يستلهموا كل المعانى

عارفه وماتقولش انت ان انا وانت احنا الغنوه اللى ناقصه

وهنبقى احلى غنوه فى قصص الحب الجميله

بينى وبين عيونك مواعيد ماخدنهاش

بينى وبين عيونك حاجات ماقصدناهاش

بحلم واصحى الاقى الحلم مانتهاش

منين جايه الاغانى واحنا مقصدناهاش

امتى عرفناها واحنا عمرنا ماسمعناهاش

بحلم واصحى الاقى الحلم مانتهاش

ياريت ماتقولش انت ازاى انا وانت هنبقى اسطورة بين كل العاشقين

تعشقنا فى الصورة الوان الرسامين

دى اغنيه لنجاه بصراحه اول ماسمعتها عجبتنى قووووى

بتوصف حاله من الحب ماظنش انها موجودة فى ايامنا

ضميرك بلا ضمير

أخبرنى

لم أدر لماذا أحببتها ؟

لماذا أحببت أن أراها حتى أدمنتها و أنا الذى لم يعتد يوماً شيئا

لاتتذاكى و تسبق الأحداث و تقول حب طرف واحد

لا لم يكن كذلك و لم تكن تلعب بى

لقد أحبتنى كما أحببتها

بدا فى عينيها كلمات الحب كلها

و بدا مع الحب نظرة أرعبتنى هى نظرة قلق و حيرة فهى ترقب الحب لأول مرة

مهما أصف فلن أستطيع ان أقول كيف أشعر و هى معى كأنى أسير فى عالم غير العالم و أكون إنسان غير إنسان

و كل مرة ألقاها أرى فى عينيها نظرة القلق تزداد و يزداد معها إضطراب قلبى

أغفل إضطرابى فلم أرد أن أضيع لحظات سعادتى بهم لا أرى له مبررا

ًذات يوم أفزعنى ما ارتسم فى وجهها من علامات الحزن سألتها مالك؟

قالت: ضميرى

قلت: ما بال ضميرك؟

قالت: يؤرقنى و يعصف بى لم أعتد أن أشعر بهذا

قلت: لكننا نحب فقط نحب

قالت: أعلم و لكن لا أستطيع ردع نفسى و دفع الهم عن قلبى

قلت: أنت و ما تشائين

قلتها و الكلمات تقطر حزناو القلب يقطر دماً

إفترقنا أياما و لم أطق الفرقة عدت أطلب ان أراها كدت أموت إنى أدمنتها باتت تسرى فى دمى

إلتقينا عدة مرات عادت الفرحة إلى, بدأت أفكر فى غدٍ لم أكن أحتسبه أن يأتى , بدأت أفكر فى مستقبل نعيشه معا

و فصلت حلماً لا يصلح لأحد غيرها , حلم لأعيشه أنا و هى ...................و هى فقط

و لكن عادت مرة أخرى إلى ضميرها , عادت لتحبس نفسها فى قمقم من الخوف و التأنيب الوهمى من شئ لا شئ فيه و لا غبار عليه

عادت تقول إنى راحلة حيث لا يؤلمنى ضميرى

قلت: و قلبك

قالت:سأحتمل

قلت: و ماذا عنى؟ ماذا عن الأحلام التى بنيتها؟ و الماضى الذى تخليت عنه؟

أتتركيننى أهوى من السماء إلى الأرض ؟ أسيرتاح ضميرك حينها؟

أيرتاح ضميرك و يدك ملوثة بدماء قلبى ؟

إنى إن قتلت فما قتلنى إلا ضميرك و إن قتل حبك فما قتله إلا ضميرك, يمضى ضميرك يقتل ليرتاح

وما قتل سوى أبرياء لم يقترفوا فى حق أحد ذنب و لا إثم

حبيبتى كم يأسفنى أن أخبرك

أن ضميرك بلا ضمير